簡介
每晚10點更新，用廣東話方式寫故。 有好多時，我地都會有自己心目中既女神或者男神，做兵既有苦自己知，但又有邊個會知道呢Ｄ所謂女神同男神既心目中，到底會係有咩野諗法？佢地開心，定唔開心？佢地鐘意比人咁稱呼定唔鐘意？ 呢個係紀錄住主角阿牛追佢心目中女神既故事，當中紀錄住佢對女神既一見鐘情，追求女神，到好快被女神發現佢既暗戀；然後女神問佢朋友要點樣婉轉拒絕阿牛，到阿牛開始覺得自己有機會，慢慢同女神多左接觸；到向女神表白，失敗，再表白，又失敗，三度表白，全部失敗；由朋友，到閨蜜，到備胎，到放棄…… 當阿牛Ｄ朋友都話呢位唔係一個女神，係一個魔女時，阿牛總會話：「就算係魔女，都係一個值得我為佢蹈火海既魔女。」 但係，就因為呢個比人話係魔女既女神，教識左阿牛咩野係愛，咩野係「情商」。做兵真係咁慘？做女神男神真係咁過癮？ 就係咁，我做左女神一年既備胎……