[愛情無限loop] 就係咁，我做左女神一年既備胎: １１８　計劃

同阿琪一齊坐巴士返去，一路上，阿琪無出過一粒聲，而我亦都好靜咁係佢旁邊坐住，電話一開始不停咁響，我拎左出黎校震機，然後，我見到ＪＵＤＹ　ＳＤ　ＭＳＧ係我地三舍既ＧＲＯＵＰ入面。

ＪＵＤＹ：你地做咩
ＪＵＤＹ：究竟發生咩野事
ＪＵＤＹ：我做錯左Ｄ咩
ＪＵＤＹ：點解今日會咁
ＪＵＤＹ：一個我好愛既男人傷害左我
ＪＵＤＹ：一個好我愛既男人選擇放棄我
ＪＵＤＹ：而家連你地兩個都唔理我
ＪＵＤＹ：你地想我點



我睇完Ｄ　ＭＳＧ就將電話放返份褲袋，而阿琪就問我：「係未ＪＵＤＹ？」

我答佢：「嗯。」然後，又回復返靜寂既狀態。

香港夜晚既街景好靚，但係今日我同阿琪都無心情欣賞，因為，我地決定左暫時唔理呢一位好朋友，因為，計劃所在，我地只好忍心咁唔理佢。

提左幾次我同阿琪既計劃，究竟係Ｄ咩？咁就要講返果晚。

「你想ＣＯＷ同ＪＵＤＹ分手？」我好記得果晚既阿琪用一副詫異既表情望住我，「你覺得ＪＵＤＹ唔值我ＣＯＷ等啊？」



我望住咁既一琪，笑左笑：「唔係，我知係希望佢地可以好好看清呢件事，所以，要將佢地抽出狀況外。」

「抽出狀況外？」阿琪不解咁望住我，而我就答佢：「而ＣＯＷ當晒能蟹仔同老牛大人係愛情專家咁，一日到黑都掛住叫仍地兩個幫佢諗計哄ＪＵＤＹ，但呢個世界上，又點會穴係有愛情專家可以幫到人ＷＯ。」

阿琪一路點頭一路聽我講，「有時所謂既愛情專家，又或者果Ｄ自稱既愛情專家，到真係自己面對愛情既問題時，都會束手無策，係因為仍地都唔知道點樣解決，愛情無得用合理既程式計算，所以點可能會有專家可以解決到所有愛情既問題。」

阿琪可能明白我既諗法，「而最清楚每對戀人感情問題既人，往往都係果Ｄ旁觀姐。」

「無錯。」睇黎阿琪真係知我想點：「所以我想ＣＯＷ同ＪＵＤＹ各變為旁觀者，咁樣佢地可以真正了解到佢地兩個之間既問題所在。」



阿琪聽到呢度，沉思左一陣，然後問我：「但如果到時ＣＯＷ唔鐘意ＪＵＤＹ的話……」

「咁就要睇下ＣＯＷ有幾咁深愛ＪＵＤＹ。」我自信咁話。

而家諗返起果晚，果晚自信既我，係未動搖緊？我望住窗既倒影，見到阿琪一臉倦容。

「休息下啦，妳都累拿。」我話，然後阿琪將碘靠到我膀碘上面，而我就靜靜咁等待巴士到站。