[愛情無限loop] 就係咁，我做左女神一年既備胎: ２３０　計劃完成

面對住阿琪既爸爸媽媽，我先會意到原來係我第一次見佢地兩個，但估唔到要係呢一種場合，而且係呢一個情況。

就算係剛剛先醒返Ｄ既阿琪見到呢個情境，佢都好似醒晒咁望住佢爸爸媽媽問：「點解……」

但係佢都未問完，阿琪爸爸就已經衝到佢既面前，起手一副想打佢既樣話：「妳個衰女搞咩野整到要入院。」

本能反應下既阿琪，只係用手護住左自己既頭，而我就想上前架住阿琪既爸爸，「世伯，你唔好咁啦，阿琪已經入左院，唔好咁激動。」大家留意，講呢句野既唔係我，而係同佢地一齊黎既果個男仔人，而架住阿琪爸爸既都唔係我，亦都係呢個男人。

阿琪爸爸聽到個男人講既野後，就放返低想打阿琪既手，「正衰女！」而阿琪媽媽就行左過黎，然後問：「阿女啊，妳無事嘛？」



阿琪而家呢一刻已經喊晒同佢媽媽講，「無事……無事……」哽咽住既阿琪同佢媽媽講完後，就望向佢爸爸話：「……對唔住啊爸爸，我以後唔會咁架拿。」

「就有以後！妳今次返左屋企就未駛旨意行返出去我話你聽！」阿琪爸爸好惡咁話，而阿琪只有無奈咁低下頭。

係呢個時候，企係旁邊既我就話：「世伯，阿琪都唔想搞成咁架。」我講完呢句後，阿琪爸爸就望住我問：「你係邊個？係未你整到我個女變成咁？」

阿琪爸爸慢慢行近我，一副想打我既姿態，而阿琪就話：「唔係啊爸爸，佢係送我入醫院既朋友啊。」

佢望一望阿琪問：「姐係佢救左妳？」阿琪聽到後點一點頭。



而阿琪爸爸佢無多謝我，只係同我講：「咁你救完人拿，你走得啦。」

下？我聽到後都呆左一呆，能蟹佢地係旁邊睇住我地咁都呆左，而能蟹就好不忿咁話：「世伯，而家我地救左你個女啊，你連多謝都無句都算，駛唔駛咁既態度啊。」

「我而家咩野態度啊？」阿琪爸爸反問，而我為左唔好再嘈落去，就拉開左能蟹叫佢唔好再講咁多，而阿琪就不停咁望住我，口中念念有詞，睇得出佢係不停同我講對唔住。

咁既情況，我都返左去能蟹果邊，睇下呂晨既情況，呂晨見到我後就同我講佢無咩野事，然後就問阿琪爸爸Ｄ野。

可能佢都係見阿琪入左醫院先咁姐，但係頭先佢好似想打阿琪咁款，希望阿琪返到去唔好有事啦，而果個男人，究竟係咩野人呢？我見佢對阿琪好好，有扶佢有幫佢整高個枕頭。



呢Ｄ都係唔好理住，最緊要係阿琪同呂晨而家都無事。

而且到最後我地都得到我地想要既野，就係Ｂ男點解會知道拾拾一舉一動既，但係代價要令到阿琪同呂晨入院，我諗到都覺得心痛。