[愛情無限loop] 就係咁，我做左女神一年既備胎: ７３　升溫

買完野，同阿琪拎住一袋二袋行返去佢屋企，而期間，阿琪就話：「不如今個星期五約埋ＪＵＤＹ去飲野好唔好啊？」

「飲野？妳唔開心咩？」我問佢，我記得通常佢係唔開心先會去飲野。

「唔係啊，開心都飲得架姐，你話好唔好啊？」佢又再問。

「好，妳問得點會話唔好ＷＯ。」咦，講左自己既心聲出黎添。

「乖。」阿琪笑得好開心，然後佢無啦啦係便利店前停左係度。



「咩事？」黎唔切反應既我撞左撞佢，而佢就望住便利店既傳單，望到眼甘甘咁。

我望各佢所望既傳單，原來，係一張雪糕既傳單，而阿琪就望到流晒口水。

「入去買黎食啦，為食豬。」我無理佢已經行左入便利店，而佢就開心雀躍咁跟住我後面。

我地買左兩個甜筒，阿琪已經急不及待開左黎食，「好味啊！」佢食到嘴角都有雪糕，而我就幫佢拎住野，拆唔到個雪糕食。

可惡！見到阿琪食得咁好食，我都想食添……「快Ｄ啊大個口啦，雪糕溶拿。」我望住眼前既阿琪，無諗過，佢會咁做。



佢將佢自己食過既雪糕遞比我，仲喂我食，而且，個雪糕個個位佢都食過晒，亦姐係個個位都有佢既口水係度，亦姐係話，如果我食，就係同……就係同阿琪簡接接吻啊！！！！！

真係剩係諗起成個人都硬晒……我講企得硬。

「慢Ｄ啦，溶左滴到四圍都係拿。」阿琪又再同我講，而我，就慢慢咁將個嘴而近個雪糕，細細咁呷左一口。

「好唔好食啊？」阿琪問。

「……好食。」緊係好食啦，有女神既口水ＷＯ，我知我咁講你地會覺得我好變態，但係呢Ｄ機會，真係可遇不可求架。



我食左一啖之後，「我覺我好食。」阿琪講完之後！佢！佢！！！佢又食雪糕拿！！！佢食自己食過再比我食過既雪糕啊！！！

呢個衝擊，真係整到我有Ｄ企唔隱……唔係ＷＯ，係好似，真係……企唔隱……

「阿牛，你無事嘛，點解好人好姐企定定你都可以跌親既？」阿琪擔心又好笑咁望坐我。

而家呢個呢況，我囉有傻笑話：「……唔知呢？」唔知點解，我覺得我同阿琪之間既關係好似好左好多。