[愛情無限loop] 就係咁，我做左女神一年既備胎: １４７　部署中

雖然我口講話阿琪同能蟹扮情侶，我無所為，但係心入面唔知點解，始終都係有少少唔舒服，唔通，呢Ｄ就係Ｄ人成一講，心中入面有氣刺？

而又因為今次又要能蟹幫手，而且阿琪又話唔放心只係得佢地兩個傾，所以能蟹就開左個ＧＲＯＵＰ，加左我入去。

個情況，就好似上次ＣＯＷ一樣，但打死今次我一定唔會比老牛大人知道件事。

開左個ＧＲＯＵＰ，能蟹就同阿琪傾緊要點樣扮情侶，而且只係會係有阿富在場既時候先會扮，阿琪都十分認同，而且仲話最好添，佢都唔想同能蟹有咁多身體接觸……

係ＷＯ！？如果佢地要扮情侶！難免要有身體接觸架ＷＯ！！！



點解我到呢一刻先發覺到會有呢個問題……

係ＧＲＯＵＰ入面，我係完全無出過聲，因為，我只係望住佢地既ＭＳＧ，就唔想應落去。

能蟹佢不停提出好多只會有情侶做既事要阿琪一齊做，但係阿琪好多都拒絕左，而大部份都係比較親蜜既舉動，就好似錫、攬、甚至拖手，阿琪都拒絕左，激到能蟹火都黎話咁樣點扮啊。

佢又講得岩既，如果一對情侶，唔拖手、唔攬、唔錫，又點算係一對情侶，我愈睇佢地既ＭＳＧ，個心就愈唔開心。

到最後，阿琪就講出自己既底線，話可以比佢搭膀頭，而且話可以扮一對剛剛開始既情侶，唔想比大家知所以唔會有太多既親匿動作。



講到咁，其實能蟹一開始好唔讚同，但係阿琪難得地堅持己見，而能蟹最後都妥協左，亦都唔知點解，我個心情係見到阿琪既堅持後放鬆返。

而佢地傾完後，能蟹佢私底下ＭＳＧ我。

能蟹：喂，阿琪佢咁樣做，呃唔呃到阿富架
我：我都唔知啊，你盡量幫佢啦
能蟹：我佢係妳鐘意既女人先咁做咋
我：唔該晒
能蟹：不過話時話
能蟹：你真係可以偉大到，見到我同你鐘意既人做Ｄ親匿既動作？


我：得掛……
能蟹：我真係唔多信ＷＯ
能蟹：答應我，到時你忍唔住唔好打我
我：唔會啦
能蟹：你係先好講
能蟹：不過講開先講
能蟹：你都要小心阿琪
能蟹：阿富呢個男人都比佢迷成咁
能蟹：但佢就對人無意思
能蟹：感情既事處理我咁亂
能蟹：都唔方好得去邊
我：佢係呢方面弱Ｄ姐
能蟹：咁就死得啦
能蟹：如果日後你真係同佢一齊既話，佢仲係咁既樣你就辛苦拿
我：都唔會既


我：可能你同佢相處耐左，會知道佢既優點同佢既苦況呢
能蟹：無言，我只能說我唔會似你咁偉大

同能蟹ＭＳＧ左陣後，阿琪就ＷＥＣＨＡＴ我。

阿琪：你做緊咩啊？
我：無啊
我：上網搵緊Ｄ野
阿琪：搵咩野啊？
我：唔比得妳知架
我：對妳黎講係秘密
阿琪：咁神秘既
阿琪：我生日Ｄ野
我：係啊
阿琪：我叻（喊笑）


我：係拿
我：叻拿
阿琪：我去沖涼先
阿琪：再唔沖阿媽就鬧我架拿
我：嗯
我：咁妳快Ｄ去沖啦
阿琪：你等我
阿琪：一陣再傾

望住阿琪既ＭＳＧ，再諗返能蟹頭先問我既說話，我真係一個咁偉大既人咩？我知道阿富錫左阿琪一啖後，都已經癲晒然後唔開心左成日，如果我親眼見住能蟹同阿琪一齊扮悵侶，雖然我會一早知，但我可唔可以控制到自己既情緒呢？

我再望一望電腦話面上搵緊既野，唔知到阿琪生日之前，佢同阿富既事會唔會搞得完？我又應該做Ｄ咩野，令到阿琪覺得，我同佢過呢個生日係有驚喜同難忘呢？