[愛情無限loop] 就係咁，我做左女神一年既備胎: １６４　最後防線

同阿琪慶祝左生日之後，我唔知同阿琪既感情算唔算好左，佢比以前講左更多既野我知道，一有唔開心都會話我知，但係總覺得，佢講既果個世界我係從來都未接觸過。

咩野做生意賺好多錢既男人？一個做飛機司既男人？一個富二代成日煩佢既前度？我好似突然間知道左好多阿琪身邊出現既男人咁。

係阿琪口中，呢幾個男人都會成日煩佢，只不過，佢地幾個都有一個共通點，就係追左阿琪好耐都無放棄過。

而果晚之後，能蟹好似唔知食錯左咩野藥一樣，好似事無大少都要叫阿琪陪佢做，初時阿琪對於呢個大細佬都只係唯唯諾諾咁做一Ｄ小事，但慢慢，佢地竟然母子相稱，呢個係我最估唔到既事。

而最估唔到既，係阿琪又時會同我直接話：「你個仔呢排又唔知做咩事唔開心啊。」



「邊個係我個仔啊？」我問佢。

「能蟹囉，我個仔未姐係你個仔。」由兄弟變做仔，就係好笑。

回少少帶講返阿琪正日生日先，因為佢屋企既問題，屋企人無同佢慶祝，而變左我地一大班跑ＧＲＯＵＰ既朋友同佢慶祝，而阿富就買左個蛋糕寫左阿琪個名上去，在場既人見到咁既蛋糕，明眼人都知道發生緊Ｄ咩野事。

而阿琪就好尷尬咁不停向我求救，我見住場人靜晒一粒聲都無食住個蛋糕，好啦，我是但講Ｄ野打破呢片靜寂啦，「個蛋糕Ｄ藍莓好好食ＷＯ。」

「係啊，我都覺得係。」阿琪佢好快就回應我，我諗佢都想打破沉默。



好彩之後都有人繼續講野，先唔駛搞到個場面咁薑。

但係果晚之後，阿富好似變得好失落，不過佢都無放棄想同阿琪一齊既念頭。

堅持係一件好事，但係如果用係一件唔值得做既事上面，就會變成煩人。

阿富又每日只係ＭＳＧ，變成每晚一通要打到通到為止既電話，點解我知？因為每晚同阿琪傾計果陣佢都會話我知阿富又打比佢。

阿琪對阿富既煩惱如日俱增，甚至已經到左一個臨界點，阿琪既底線就快守唔到。