[愛情無限loop] 就係咁，我做左女神一年既備胎: １４５　不是男友的男友

就如阿琪尋日所講，今日我地兩個約左出黎，唔知，佢搵我做咩呢？

我比原定既時間早左到，阿琪到左果陣，係講緊電話，其實好少何會見到阿琪講電話，因為佢平時都唔多鐘意講電話。

而我腸到，佢一直講電話既表情，係唔奈煩，但係佢又好似要控制住自己既情緒唔可以發火。

同佢行左一陣，佢先收線。

我望一望佢，然後佢就同我講：「係阿富打黎，呢幾日佢成日都打黎，好煩，鬧佢又唔係，唔接佢電話佢就會繼續不停打。」



聽到佢咁講，我而家可以做既只係，「辛苦妳拿。」

去到一間餐廳果陣，因為晏就既關係所以要等位，我同阿琪並排而企，阿琪手中既電話就不停咁震，每震一次，阿琪都會望一望電話，然後嘆一嘆氣。

到最後，佢直接將個電話放左入袋度。

見到阿琪空出黎既手，唔知點解，我有想拖住佢既衝動，亦都唔知邊度黎既勇氣，我真係拖住左佢，而阿琪，都肯比我拖，不過，呢個行為只係維持左幾秒，因為，阿琪電話響起，佢要係個袋到拎返個電話出黎，所以放開左我隻手。

我見到來電者，係阿富，阿琪選擇唔接，然後又放返部電話入袋。



好拿，又係時候拖佢拿，不過今次……「２１８號飛２位。」「到我地拿。」阿琪拎左張飛行左去個櫃檯度，而我就只可以一個抓空然後跟住佢後面。

坐低左後阿琪就即刻睇野食，「好肚餓啊，應付阿富真係消耗左我好多既精神。」

我摸一摸阿琪塊臉問：「咁係未好累啊？」

「少少啦。」阿琪話，然後叫左個人黎落餐。

係等餐期間，我就問阿琪：「妳尋日話有事想搵我傾，想傾咩啊？」



阿琪又嘆左啖氣話：「想一齊諗下點樣可以婉轉咁拒絕阿富。」

「但我覺得，婉轉既方法對付唔到阿富ＷＯ，阿富係一個好堅持到底既人。」我話。

「係啊，佢係好硬頸既人。」阿琪話。

「直接既方法唔得咩？」我問。

「佢話ＷＯ，如果我唔做佢既女朋友的話，都唔可以咁快做返朋友，要等幾年先會做得返朋友，但係我大前題係唔想無左呢個朋友，而又可以婉轉地咁拒絕佢。」阿琪話。

「真係複雜。」我話，而阿琪點一點頭。

「我諗要妳同另一個男仔一齊，阿富先會死心。」我講完呢一句後，阿琪好似諗到Ｄ野，佢望住我話：「你講得岩啊，如果我同另一個男仔一齊既話，阿富佢先會死心，所以……」阿琪一副諗野既樣子。

我點一點頭，但係仲未知道阿琪既原意，「所以？」



「如果，搵到一個男仔拐我男朋友咁未得囉。」阿琪話，而我聽完佢咁講後，就答佢：「呢個可以話係唔係方法之中既方法，但去邊度搵個男仔啊。」

我講完後，阿琪望住我，而我就唔好意思咁同佢講：「妳意思想我做啊？」

「緊係唔係啦。」唔知點解，聽完佢呢一句我有少少失望，「我唔會拉個鐘意我既男仔扮做我男朋友。」

「咁又係……」我傻笑咁答佢，而阿琪見到我咁都笑左笑話：「你好想扮咩？」

咁當然唔想扮啦，想正式做添。

「有無咩野人選呢？有無Ｄ係一定唔會鐘意我既男仔，而我又唔會對佢有意思，而阿富又會信果個男仔係我男朋友，而個男仔又會肯幫我呢？」阿琪……妳Ｄ要求慢慢加多左咁多既。

但係唔知點解，係阿琪一直講佢想搵一個點既男仔扮佢男朋友之際，我腦海中出現左兩個人既身影。



「ＣＯＷ同能蟹，妳想邊個扮妳男朋友多Ｄ？」我問阿琪，而阿琪好似知道左我既意思，諗左諗答我：「能蟹，ＣＯＷ話晒都係ＪＵＤＹ男朋友，就唔好煩到佢。」

「咁……妳想唔想搵佢幫手？」我問。

「如果佢肯幫既話，我可以考慮下。」阿琪答。

其實我唔知咁樣幫阿琪係未一件好事，但係，我知道既係我已經ＳＤ左個ＭＳＧ叫能蟹幫手，而能蟹好快就答應左我既請求。