[愛情無限loop] 就係咁，我做左女神一年既備胎: １８９　女神？魔女？

找一個直得我去愛既人，拾拾呢一句，就好似打中左我既心坎一樣。

因為，我現時仍然覺得阿琪係我直得去愛既人，而且經過呢幾日既變動後，我更加立定決心。

我先選擇覆拾拾既ＭＳＧ。

我：希望妳可以搵到直得愛既人
我：我都下定決心，會繼續追我而家鍾意既女仔
我：因為我都覺得佢係我最直得愛既人
拾拾：希望到最終，我地都可以得到自己想要既愛



然後，就係同阿琪ＳＤ　ＭＳＧ，直到我地兩個都眼訓後，各自講晚安就去訓。

而第二朝早，我係比一個電話叫醒左，我睇電話，係阿珍，我接左電話：「喂？」

「有無時間出黎傾一傾？」阿珍講完後，我望一望電話上面既時鐘，而家離返工仲有一段時間，睇黎可以同佢食個早餐後再返工，而且阿珍好少何咁突然叫我出去傾野。

「好，我地一齊食早餐慢慢傾。」我答佢，然後佢就講左個地點比我，當我去到佢所講既地點既時候，我有少少呆左，因為原來唔止佢一個人，仲有能蟹同ＪＵＤＹ。

我坐低左就問佢地：「你地做咩事咁人齊？」



而先講野既係阿珍，「其實都係為左果樣野先叫你出黎。」

我諗阿珍所講既果樣野，係關於阿琪既事，我只好無奈咁同佢地講：「不如我地食左個早餐先傾好唔好？」

佢地都點頭示意話好，我地幾個點左餐後，等緊早餐黎既時候一句話都無講，沉默地食完個早餐，其實大家心中都知道，就算一陣點傾都好，都唔好破壞我地之間剛剛建立既友誼。

我好明白坐得係度既人，都係直心關心我既朋友，試問有邊Ｄ人可以為左一位朋友，可以係返工前約出黎傾野？仲要係為左自己而傾野。

等各個都食完後，我就話：「你地可以講拿。」



而先講野既又係阿珍，「阿牛，你到而家係未仲想追阿琪？」呢個開題其實聽左佢問左好幾次，而我今次好認真咁望住佢，好肯定咁點一點頭。

阿珍見到我咁後，就話：「尋日能蟹佢都有同我講果日佢地兩個去飲野既事我知，發生左Ｄ咁既事，你都仲信佢？」

而我就同佢地講：「係能蟹講我知之前，阿琪都有同我講果晚發生既事，其實雙方既說話都有好大出入，所以我決定兩個都唔信，只係信以後所發生既事。」

「阿牛，唔通你連我呢位兄弟都唔信？」能蟹問我，而我就直接同佢講：「坦白講，我同你都係最近先見返，你可以唔駛稱兄道弟同我講野，而且好多發生既事，其實都係你搞出黎，然後我執手尾。」

能蟹聽到我咁講後，又Ｄ好唔忿氣，而我就繼續話：「老實講，你係我眼中只係一個大細路，從讀書果陣已經係咁，你既性格我係好清楚，你永遠都只會將對你有好處既野話比人知，而唔會講事實既全部。」

呢一句後，場面好尷尬，能蟹無出聲，只係好唔忿氣咁低頭望住個地下，見到咁樣既ＪＵＤＹ就話：「牛兄，你好少講野咁絕，駛唔駛為左阿琪而咁同能蟹講野。」

我又好認真望住佢話：「我絕，你明唔明白當我以為你地會支持我追阿琪，變到你地個個都叫我停手，搞到我自己幾亂。」



「咁我地都係因為怕阿琪會傷害到你，所以先咁做姐。」ＪＵＤＹ話，而我就問佢：「其實妳明唔明阿琪係個點樣既人？」

ＪＵＤＹ諗左諗，然後話：「佢情商比你高好多啊，我怕佢真係會傷害到你。」

「點解你地總會覺得佢傷害我呢？佢又以前到而家，有無做過一樣係傷害我既事？」我又問佢地，佢地比我問到啞晒。

「我地都係關心你姐，你當佢係女神，但係佢可能係魔女咋。」阿珍話。

而我呢一刻，就好語重心長同佢地講：「就算係魔女，都係一個值得我為佢蹈火海既魔女。」