[愛情無限loop] 就係咁，我做左女神一年既備胎: ３０７　三通電話

我覺自己今次真係幾叻，因為我堅持到唔話比ＪＵＤＹ知，不過，就令到ＪＵＤＹ對呢一件事起左戒心，而且條衰妹事後竟然將件事話左比其他人知……

其他人包括能蟹果一對、七三廿一果一對、阿珍、阿塔、呂晨等地。

真係無諗過佢會用輿論壓力黎迫我講出黎……深深體會到唔好得罪女人呢個真理。

ＪＵＤＹ幫我講左比其他人知後，我既電話就不停收到唔同人既短訊，所有既內容都係一樣，叫我未ｏｎ９，唔好傻之類。

見到呢ｄ　ｍｓｇ我真係好無奈……



不過有一個我一見到就好激氣，係ＪＵＤＹ　ｓｄ　左個笑到喊既樣比我，而且加左一個「你今次仲唔死」既ｍｓｇ。

好明顯，呢個衰妹係有心玩野。

佢地仲開埋個ｇｒｏｕｐ拉左我入去，我不停ｑｕｉｔ佢地就不停拉，最後我都放棄左，ｓｅｔ左做靜音算。

但就係呢個時候，我收到一個電話，係呂晨打黎。

我猶疑左一陣就接聽左，不過一接聽，呂晨咩都無講，呢一個靜寂維持左五秒後由我黎打破，「打比我咩事？」



「點解？」呂晨問，聽得出佢好似好怒氣。

「咩野點解？」我問返佢。

「點解你為左阿琪可以做咁多野啊！？」呂晨可能係忍無可忍，好大聲咁叫左出黎。

「我……」我都未答，呂晨已經收左線……

面對呂晨呢一個突如其來既電話，我真係唔知佢係咩野意思。



然後，收到既係阿珍既電話。

「喂……」「你呢個阿牛係未ｏｎ９架！一早同你講左呢個阿琪唔係咁簡單架啦！點解你……」佢一連狂講左好多句，我都應接不下，「妳……妳冷靜ｄ先。」

「我點冷靜啊！而家我既好朋友比一個女人玩到咁啊！仲要話要做一個好重要既決定放棄某ｄ好重要既野啊！你講！係咩野決定！」阿珍仍然好嬲咁話：「點解你話定都唔聽架！！！」然後，又收左線。

係未每個女人發嬲果陣都鐘意打比果個人鬧完佢一輪後就收線架呢？

然後，又收到另一個電話……「今次又係邊個啊？」我望一望，係一個未入電話ｌｉｓｔ既號碼。

橫店頭先都聽左兩個電話，唔爭在聽埋呢個啦。

「喂？」「你呢個ｏｎ９係未溫女溫上腦啊！傻撚左啊！痴撚線架！咩撚野重要決定啊！放咩撚棄ｄ野啊！」聽得出呢位女士應該開始語無論次，「等等……妳係邊個啊又？」

「我係能蟹條女啊！你條撚樣連我把聲都唔知！？真係想死啊？你……」聽到呢度，好似有個人拎走左佢部電話。



一開聲，「喂，你真係決定左要咁做？」係能蟹把聲。（條撚樣真係無得救架！）

「係。」我答佢。（邊有人咁撚蠢架！）

「今晚出黎傾下好唔好？」能蟹問。（如果係我！我一定打撚死佢啊！）

「如果剩係我同你兩個既話，可以，如果有其他人既話，就唔駛。」我答佢。（叫佢話我地知佢而家係邊！我而家就走過去打撚醒過仆街！）

能蟹靜左靜後，就話：「可以，無問題。」（我要而家就過去打撚死個仆街啊！）

「能利佢，好似好嬲ｗｏ？」我問。（我要大巴大巴咁昇到佢鼻屎都飛出黎！）

「係啊，其實我都好嬲，不過見到佢咁嬲，我都費時嬲住先。」能蟹答。（我仲要打撚斷佢對腳添啊！）



「好，咁今晚見。」我話。（好撚嬲啊我而家！！！）

「ｏｋ。」能蟹答。（阿牛係個ｏｎ撚９既死仆街！！！！！）

然後能蟹就收左線。

其實，有咁多朋友關心自己係好開心既事，不過佢地出自既關心係同你而家想做既野相反既時候，內心，都好掙扎。