[愛情無限loop] 就係咁，我做左女神一年既備胎: ２７５　第一場遊戲

如果你地問我而家既心情，我可以話比你聽，有少少驚，但又有少少興奮，興奮唔係因為一陣間既意想不到既事，而係可以有一大班朋友一齊去解決一件事，可能，呢Ｄ就係叫做熱血。

一去到尋日去既地方，一樣，Ｄ音樂好嘈，係嘈到聽唔到其他人講野果隻，但今日有少少唔同，同阿塔所ＳＤ黎既相一樣，今日女多過男，多得好跨張，可以話係比女人淹沒都可以。

音樂配上不停轉既射燈，我地一班人不停搵緊馬高係邊，當然，仲有能蟹既身影。

但突然間，全場所有音樂聽晒，所有本身跳緊舞既人都慢慢停所有既動作，慢慢咁係我地面前讓開左一條路。

而馬高就係呢條路，慢慢行到我地面前，「估唔到你都帶繼多人上黎架ＷＯ，數下先……１、２、３……六女四男，你就諗住今日帶佢地黎玩遊戲？」



我地都屏息靜氣，除左……「你未咁撚多野講！我條仔呢！」講野既係能利，而馬高見到能利咁樣，大笑左幾聲後，指一指幾遠下既後方，「你條仔，係我身後面比一大班女照顧緊啊。」

佢講完後，我地望向佢身後，見到能蟹身邊坐住好多女，係……係坐住好多女，而且有幾個係坐左係佢身上面添，而能蟹好似比人綁左手腳咁，而坐左係佢身上面既女人，就起勢不停係度搖……

「放心，我唔會做Ｄ　１８禁既野既，只不過係果個女人ＨＩＧ大左，係佢身上跳舞姐。」馬高笑住話。

而能利見到緊係好嬲啦，佢大叫：「妳個死肥閪仲唔落黎！」係啊，佢口中講果個死肥……婆，就係坐左係能蟹身上面起勢咁搖果個女人，由我呢度咁遠目測，呢個女人都有成二百幾磅，再睇一睇能蟹既表情……雖然退，但睇得出佢係好痛苦，因為點解佢身邊坐晒既都係性感美女，但唯獨係佢身上面起勢咁搖既果個人係個大肥婆。

「你好快Ｄ放左我條仔！」能利話。



「等等，我叫得你地上黎玩遊戲，當然要玩完，先可以放人啦。」馬高答。

「玩遊戲！？玩咩能野遊戲啊！？」能利話，而馬高就答我地，「今晚有三個遊戲，只要你地ＷＩＮ到兩場既話，我就放左果個人，仲有，以後都唔會係你地面前出現。」

「好！快Ｄ啦咁！」能利話。

「等等，我都未講如個輸會點。」佢係到我地既面前，左加走左幾轉然後話：「輸左既，女既每人要比我玩足一個星期……」佢行到呂晨面前，眼金金望住佢話：「我實食硬黎架，靚女。」

呂晨面對馬高毫無害怕之意，而企係呂晨身邊既ＪＵＤＹ聽到就好嬲咁話：「你條正仆街撚樣黎！快Ｄ彈撚開啦。」



馬高望一望ＪＵＤＹ，「不過呢條女我玩左幾年……同果邊果個都係，老既我都唔要……好似仲有個靚女架，果個靚女去左邊啊？」

我睇唔順然行到佢面前，隔開左佢地，而馬高見到我咁做，就眼定定望住我，「我記得你架，你以前醒左一腳我嘆，今日你輸左，我實打死你。」

「好啊，咁玩咩野？」我問。

馬高好認真咁望住我話：「係出黎玩既人都知我馬高呢個人代表左三樣野，飲得、疊水、好玩，今日第一場遊戲，就係同你地鬥飲。」