[愛情無限loop] 就係咁，我做左女神一年既備胎: １５５　無限願望

到阿琪生日既日子愈黎愈近，而我都慢慢準備緊果日要進行既野。

佢日日都問我地果日會食咩，係邊度食，我有話過佢聽地點會係邊，然後佢就不停ＯＰＥＮ　ＲＩＣＥ同我講有咩係唔會食，好似怕我帶左佢好一間唔好食既餐廳。

每次佢咁做，我都同佢講：「我帶妳去既地方，係ＯＰＥＮ　ＲＩＣＥ搵唔到架。」

無啊，無錯啊，因為我諗左同佢慶祝既方法，唔係簡簡單單食餐飯，而係……而家唔講住，等再後多幾話先。

除左問我呢Ｄ問題，就當然有佢同阿富Ｄ野啦。



阿富不停咁進攻，軟既又用過，硬既又用過，但係阿琪都係不為所動，每次見到阿富個樣，佢都好似一次累過一次咁，有先我都會諗，阿富咁做又何苦呢？但係再諗下老牛大人以艼講既說話，可能，阿富覺得為左阿琪咁做，係值得呢。

夏天，可能同阿琪去得多游水，佢皮膚曬黑左Ｄ，有次佢ＷＥＣＨＡＴ同得講。

阿琪：今日住我隔離既婆婆
阿琪：話我好健康
阿琪：一到夏天就有健康既膚色
阿琪：姐係話我曬黑左啦（喊）
我：但我唔覺妳有黑到ＷＯ
阿琪：同你差唔多成日見（喊笑）


阿琪：緊係啦（喊笑）
阿琪：今日我沖涼果陣見到自己兩折色啊
我：竟然（喊笑）
阿琪：唔信我ＳＤ張相你睇

係啊！！！佢話ＳＤ張佢兩折色既相我睇啊，我睇完呢個ＭＳＧ都呆左，見到佢ＳＤ左比我既相我打左個突添。

阿琪：係未兩折色啊（喊笑）
阿琪：見係係先ＳＤ呢張相你睇咋
阿琪：不過唔係原圖（喊笑）


阿琪：原圖我驚性感得滯（喊笑）

我望住部電話，見到張相應該係阿琪沖緊涼既時候影，張相露出左佢既玉背，而後四圍就係經過圖片處理後糢糊左，我見到呢張相，不禁倒抽一口涼氣，不過都好認真咁覆左佢。

我：又真係兩折色ＷＯ
阿琪：係啊
阿琪：然後阿富話我呢排黑左
阿琪：駛唔駛買美白比我
阿琪：跟住我就同佢講你已經買左比我（喊笑）
我：妳咁都得啊（喊笑）
阿琪：咁你要識做喔
我：知道（喊笑）
阿琪：到十二點拿
我：係啊
我：姐係仲有一個星期妳就生日


阿琪：嗯（開心）
我：妳會許咩野願望啊？
阿琪：我希望媽媽身體健康長命百歲
我：有無Ｄ係關於妳自己既願望架（喊笑）
阿琪：我希望自己身體健康長命百歲（喊笑）
我：（喊笑）
我：咁仲有呢？
阿琪：仲有Ｄ咩（喊笑）許左啦（喊笑）生日願望不以許多幾個架咩？
我：通常都係許三個架
我：不過妳許兩個好拿
我：第三個我幫妳諗好左係許Ｄ咩
阿琪：下（喊笑）係咁架（喊笑）
阿琪：你又會幫我諗埋既（喊笑）
我：係啊，咁妳快Ｄ許左第二個願望先
阿琪：咁，我希望而家煩緊既野住部都解決晒


我：收到，處理中
阿琪：你係處理到先講（喊笑）
我：一定得
阿琪：咁你幫我諗好左許既第三個願望係Ｄ咩啊？
我：就係，要無限個願望（喊笑）
阿琪：咁都得（喊笑）
我：係啊
我：咁妳快Ｄ許啦
阿琪：我第三個願望係有無限個願望
我：好（喊笑）（喊笑）（喊笑）
我：咁我陪妳實現晒佢啦（喊笑）（喊笑）（喊笑）

我ＳＤ左呢個ＭＳＧ後，過左陣阿琪先覆我。

阿琪：你講架


阿琪：我已經記低左啦
我：講得出做得到
阿琪：開心
阿琪：我眼訓拿
我：好啦
我：晚安

當我講完晚安後，見到阿琪既ＷＥＣＨＡＴ上面，多左我同佢呢一段對話。