[愛情無限loop] 就係咁，我做左女神一年既備胎: １０４　兩隻牛

同阿琪食完野，就送左佢返去，返家途中又收到ＭＳＧ，我諗應該係阿琪，但拎部電造出黎，係一個由＋８５２開頭既一組數字。

係邊個呢？我打開個ＭＳＧ睇，就見到第一句。

Ｂ男：你好，我係頭先車你地返家既果個男人

我見到個ＭＳＧ後，都唔知點既反應，腦入面只有一個問題，就係點解佢會有我既電話，本來我想即刻ＳＤ個ＭＳＧ比ＪＵＤＹ問佢，但係再見下一個ＭＳＧ，我就無咁做。

Ｂ男：唔好同ＪＵＤＹ講
Ｂ男：佢唔知我知你既電話


我：你點解知道我電話？
Ｂ男：頭先ＪＵＤＹ有比我睇過下你地既跑ＧＲＯＵＰ有Ｄ咩人
Ｂ男：我見到你個ＩＣＯＮ，入去睇左你既電話
Ｂ男：對唔住，我知兗有Ｄ唐突
Ｂ男：但我有Ｄ野想問下你
我：咩事？
Ｂ男：其實係ＪＵＤＹ心目中，我係咩地位？

下？我岩岩先識你……唔好話識，你叫咩名我都未知，你就問Ｄ咁有挑戰性既問題，我點答你好，但係好彩唔駛我答，因為Ｂ男佢好似好耐無講過野咁，不停咁自己打字ＳＤ野我睇。



Ｂ男：我唔知ＪＵＤＹ有無講過我Ｄ野比你知
Ｂ男：不過其實我好著緊ＪＵＤＹ
Ｂ男：而且呢排我已經同佢求左好幾次婚
Ｂ男：但係佢都好似無咩意思
Ｂ男：我唔知點做好
Ｂ男：而且我其實知道佢有同另一個男人有Ｄ野
Ｂ男：但又唔可以開口問佢

咦，原來佢已經知兗左ＪＵＤＹ有Ａ男既野。



我：咁你搵我，其實我都唔知架ＷＯ
Ｂ男：你可唔可以幫我？
我：下？我唔知點你Ｄ咩ＷＯ
Ｂ男：其實，頭先你都有眼見我同ＪＵＤＹ之間既問題
Ｂ男：我而家連同佢講野都好似無晒方法
Ｂ男：想哄佢又唔知點哄
Ｂ男：我而家好迷失
Ｂ男：想搵下人幫手

見到Ｂ男既一字一句都帶住無助，老實講，係有Ｄ可憐佢，但係我真係唔知點樣先可以幫到佢。但諗深一層，呢個可能係可以幫ＪＵＤＹ搵到對Ｂ男愛既感覺，我究竟好唔好幫佢。

我：其實女人Ｄ野我唔在行
我：我都唔知點幫你
Ｂ男：唔緊要
Ｂ男：我只係想多個人一齊幫我諗，睇下有無方法


我：不如，當係大家做個朋友，唔好話幫Ｄ咩先，你係個點樣既人其實我都唔知，好難話幫你Ｄ咩
Ｂ男：咁又係
Ｂ男：我叫ＣＯＷ，你呢？

我見到佢既英文名，唔知點解笑左出黎，同我都係叫阿牛，但笑左笑之後，又好感觸，因為我係度諗，唔知我以後同阿琪，會唔會變成ＣＯＷ同ＪＵＤＹ咁。

我：我叫阿牛

今晚，我識左另一隻牛。