[愛情無限loop] 就係咁，我做左女神一年既備胎: １４４ 我同阿琪……
同ＪＵＤＹ傾完計之後，係有Ｄ幫助，不過心情仍然回復唔到開心既感覺。
無力感使我無動力去搵同阿琪慶祝生日既野，就算我係坐係部電腦前面，不停係ＧＯＯＧＬＥ打生日呢個ＫＥＹ ＷＯＲＤ去搵，都只係漫無目的咁ＣＬＩＣＫ下面Ｄ頁數。
唔知，而家阿琪做緊咩呢？
唔知，佢係未陪緊阿富呢？
唔知，阿富會對佢……點呢？
好想ＳＤ ＭＳＧ比阿琪問，但又怕佢覺得我煩。
無耐，我聽到鐵閘既開門聲，「今日無出街咩你？」係老牛大人，佢呢個鐘數應該係同朋友吹完水返黎。
我望住佢，無回應佢既說話，而老牛大人就問：「搞咩野又變左個ＯＮ９仔咁啊。」
我問左佢以下呢個問題：「阿爸，你果陣等阿媽，會唔會有一刻覺得，等得好累？」
老牛大人聽到後咁問後，只係嘆左口氣，然後坐左去我身邊，佢答我：「累架，一定會有覺得累既時候，我地係人黎架，人始終會累。」
佢講得好岩，我都只係一個普通人，我都會累，以及，我都可以有累既櫂利。
「咁……你果陣時會點做？」我問完後，老牛大人就成副諰樣，然後就答：「未諗下，同你娘親相處果陣Ｄ開心野，我地之間既對話，我地之間親蜜既舉動，我地之間對彼此既承諾，以及我地之間彼此既秘密。」
「咁……然後呢？」我又問，而老牛大人就笑左笑答：「諗諗下，你就唔會再累，你就會覺得，要繼續努力，呢Ｄ只係磨練，你會覺得自己一定可以通過。」
我同阿琪……既對話？
「我好肚餓啊？」「為食豬，頭先先食完野。」「唔制啊，你要帶我去食野。」「咁妳想食咩？」「我想……」
「識左你之後，真係開心左好多。」「以前妳好唔開心架咩？」「都係架。」「咁妳放心，我係正能量發放機，有我係度妳永遠都咁開心。」
「阿牛……」「妳又唔記得左戴Ｄ咩野？」「鎖匙……哈……」「無記性豬，等下我啦，而家拎比妳。」「你是最好的～」
我同阿琪……既親密舉動？
「好多人啊呢度……」果一次佢撓住我既手？
「快Ｄ食左佢啊，唔比浪費食物。」果五粒湯丸？
仲有，其實每次同阿琪行街，都同佢有好多身體接觸。
我同阿琪……彼此既承諾？
果晚既海濱……「妳比人欺負既話，我會保護妳，甚至妳想搵人欺負返轉頭的話，就搵我啦。」「痴線。」
果晚阿琪喊住打比我後，我同佢係Ｍ記食野果陣……「唔知，可以同我同甘共苦既人，會幾時出現呢？」「出現左啦，未係我囉。」「咁我就要睇下你可以點同我同甘共苦拿。」
仲有果次同阿富比賽前……「仲咩唔講野啊，又話咩都會話比我知，但而家你傷到咁都唔講我知，我好擔心架知唔知道啊。」「我……」
我同阿琪既……秘密？
「唔喊……喊拿。」「妳講唔喊定喊架？」「唔喊……喊啊。」「唔喊定喊姐？」「唔喊……喊啊。」
「妳唔鐘意我送比妳？」「唔係啊。」「咁妳鐘唔鐘意件泳衣？」「鐘意。」
「咁……妳話唔排除我地會有進一步既關係……」「你衰啊你，成晚就係諗住呢Ｄ野。」「我無啊，我只係……」「時機尚未成熟。」
一邊諗返，我就一邊回心微笑，而坐係旁邊既老牛大人就話：「咁快就可以嘴角含春咁淫笑，都好得幾快ＷＯ，睇黎你同果個女仔都有好多回憶。」
「我邊有淫笑啊。」我話。
「唔理你，去沖涼先。」老牛大人起左身，行出房，而行出房果陣同我講多左句：「牛仔，最重要既，係你仲覺得值得去咁做，知唔知啊。」
我望住已經無老牛大人身影既房門，徐徐道：「知道。」
就係呢個時候，我收到阿琪既ＭＳＧ。
阿琪：救命
阿琪：人都癲
我：咩事？
阿琪：你有無ＷＥＣＨＡＴ啊？
我：有啊
我：不過好小用
我：做咩？
阿琪：比你ＷＥＣＨＡＴ ＩＤ我
我比左個ＷＥＣＨＡＴ ＩＤ阿琪後，阿琪就ＡＤＤ左我ＷＥＣＨＡＴ，同我係ＷＥＣＨＡＴ度繼續ＭＳＧ。
阿琪：我地以後係度傾
阿琪：另一個ＡＰＰ有在線上，阿富一見到我在線上就不停ＳＤ ＭＳＧ 比我
我：下（喊笑）
阿琪：超煩阿佢
阿琪：佢煩左我成日架拿
阿琪：以後係度同你傾計就唔駛比佢煩
我：咁都得（喊笑）
阿琪：係啊
阿琪：你今日做過Ｄ咩啊
我：無咩特別
阿琪：下（喊喊）無搵同我慶祝生日既野咩？
我：都有Ｄ既
阿琪：咁係Ｄ咩啊（開心）
我：唔話妳知住
阿琪：我都好耐無開ＷＥＣＨＡＴ拿
阿琪：而家開返睇返以前好多相
然後，阿琪就ＳＤ左好多佢以前Ｄ相比我，佢細過果陣，佢讀書果陣，佢鐘意周筆暢剪左個男仔頭果陣，佢開始扮下靚果陣。
我：真係呢
我：係妳身上真係充份表現左女大十八變
阿琪：有人作死喔
阿琪：想打喔
我：妳捨得打我咩
阿琪：你係未想試下（喊笑）
我：好啊（喊笑）
我同阿琪之後係ＷＥＣＨＡＴ度傾左好耐，而且我又入去睇阿琪ＷＥＣＨＡＴ Ｄ ＰＯＳＴ，發現左，原來佢會ＰＯＳＴ我同佢平時做過既野。
阿琪：我訓拿
阿琪：阿富仲不停ＳＤ野比我
阿琪：但唔理佢ＬＵ
我：（喊笑）
阿琪：你都早Ｄ訓啊
阿琪：我好期待你同我慶祝既生日架
我：知道拿
阿琪：聽日得唔得閒啊？
阿琪：想同你傾Ｄ野
我：可以
我：但
我：妳而家去訓先，好夜拿
阿琪：知道 晚安（開心）
值唔值得？我已經知道左。