[愛情無限loop] 就係咁，我做左女神一年既備胎: ４　我的朋友

頭先我未話因為有個朋友上網買鞋而識到佢既，我呢位朋友係我呢一段時間識既，佢叫阿珍。點識？有日跑步佢無啦啦走過黎答訕，就咁樣識左佢，而果日陪仍一齊既仲有一位叫做阿塔既男仔。

我地三個好快就ＦＤ左，而且成日都會約埋一齊跑步添，至於佢地知唔知我鐘意女神呢件事，緊係唔知啦。

佢地兩個都好搞笑架，見佢地兩個好好感情，有時可以共飲一支水，但係佢地又唔係男女朋友，我問阿塔對阿珍有無意思，佢就會話返阿珍對佢無感覺，而我問阿珍對阿塔有無意思，得到既答案都係差唔多。

佢地識左三年都係維持呢一種階段，其實旁邊既人都會覺得佢地係一對，但佢地又會有一條線規定左大家。

咁樣，其實都好累……