[愛情無限loop] 就係咁，我做左女神一年既備胎: １７９　網上的牛

最近除左多左七三廿一係我朋友圈出現外，仲有一個人係我開網上交友世界出現。

果個就係老牛大人……

唔知各位既朋友係會點應付自己既阿爸阿媽無啦啦問你，「阿仔，我ＡＤＤ你ＦＡＣＥＢＯＯＫ點解你唔ＡＣＣＥＰＴ既？」又或者，「我ＦＯＬＬＯＷ你ＩＧ你無理我ＷＯ。」

當然佢地係未用英文講就要睇佢地既文化水平，不過係呢Ｄ情況下，你地會唔會ＡＤＤ？

我就係老牛大人煩到我傻既情況下，ＡＤＤ左佢既ＦＡＣＥＢＯＯＫ同ＩＧ，不過好彩，我都唔多用呢兩舊野，只係得閒用黎睇下其他人Ｄ人先開個ＡＣＣＯＵＮＴ。



所以，我係安全，只不過……我Ｄ朋友唔安全……

其中一個就係能蟹，好死唔死老牛大人經我既ＦＡＣＥＢＯＯＫ搵到佢既ＡＣＣＯＵＮＴ仲要ＡＤＤ埋，我見到共同朋友多左佢後，內心只係一臉既無奈。

你地可能會問，咁阿琪既ＦＡＣＥＢＯＯＫ呢？可能大家要失望下，因為阿琪係唔玩ＦＡＣＥＢＯＯＫ，因為佢話過佢試過玩，但係好多狗公ＡＤＤ佢然後不停日日煩佢，所以最後佢只有放棄。

不過老牛大人ＡＤＤ左能蟹既事都好大鑊，因為能蟹有時會ＰＯＳＴ我地跑步或者去飲野既相上去，仲要ＳＥＴ　左ＰＵＢＬＩＣ，姐係所有人都睇到。

所以有一次，老牛大人見我得閒，佢坐左係我旁邊問：「阿仔啊，呢個係未你鍾意果個阿琪啊？」一聽到佢咁問，我成個人都彈起左衝去佢部電話一睇，係啊，果個係阿琪，不過，其實老牛大人係見過阿琪，而且佢都知少少，點解要扮晒野問呢？



我回望一下老牛大人賊笑既樣，就知佢係有心咁做，「老牛大人，點解你會有呢張相架？」

「無，我係你朋友既ＦＡＣＥＢＯＯＫ搵到。」老牛大人好得戚咁話。

「邊個朋友呢？」我問，我果陣仲未知佢有ＡＤＤ能蟹既ＦＡＣＥＢＯＯＫ，而老牛大人一比我睇，真係網上既世界真係要小心Ｄ。

而老牛大人好語重心長問：「阿仔，呢個就係你一直等緊既女仔？」

我回答：「我識左佢半年多少少咋。」



「我係問你，呢個係未你一直等緊既女仔？」老牛大人又問。

而我今次，點一點頭。

「仲等緊？平時見你都為左呢個女仔時兒開心時兒愁，你小心Ｄ啊。」點解而家連老牛大人都係咁講。

我唔多想理佢，只係隨意回應一佢話：「你唔清楚成件事就唔好下定論啦，我大個識諗架拿。」

老牛大人就好認真咁話：「你係先好，雖然我教你要耐心咁等，但係有時，都要心水清，知道自己既斤兩啊。」

下！？突然唔係好明老牛大人既說話，所以我不解地望住佢，而老牛大人都好直接咁講：「人地如果唔鍾意你，可能係你本身自己既問題啊，傻仔。」

頂！原來到最後佢都係睇死自己個仔追唔到自己鍾意既人……