[愛情無限loop] 就係咁，我做左女神一年既備胎: ３１４　以為的終結

我企左係原地，阿琪跟左佢爸爸同媽媽上左去，都係剛剛醒返自知道。

「估唔到，你會對阿琪爸爸講呢ｄ野。」係我旁邊既藍臣話，而我，成個身就好似突然間虛脫左一樣，跌坐左係地下上面。

藍臣見到我咁嚇左一跳，而我，就訓左係地下上面大笑係黎。

「你傻左啊。」藍臣見到我咁就話，然後，佢都同我一樣大笑。

笑到咁上下，我就話：「我都無諗過我頭先會同阿琪爸爸講ｄ咁既野。」



藍臣都學我一樣，訓左係地下上面話：「可能，因為你真係好愛阿琪。」

「係啊，可能真係要好愛一個人，先會做出如此大擔既行為。」我答藍臣。

「我明白點解阿琪會為左你同佢爸爸反抗。」藍臣話，不過，我無回應佢呢一句說話，而佢又講：「但係阿琪爸爸都會繼續帶阿琪去相睇，你唔驚咩？」

而我，就反問返佢：「你都鍾意阿琪，咁你又唔驚？」

然後，我地又大笑左一陣。



「如果阿琪有你照顧，我就放心。」藍匠係用好認真既語氣同我講，而我回答左佢一句：「如果調返轉，係你照顧阿琪，我都好放心。」

「今晚既天空，好黑。」藍臣話：「黑到，好似見唔到底一樣。」

「嗯。」我認同藍臣既說話：「不過，黑暗過後，就係光明。」

訓多左一陣地下後，我地就起左身，寒喧左一陣後我就返屋企，而返屋企既途中，阿琪ＳＤ左ＭＳＧ比我。

阿琪：頭先爸爸好嬲啊
阿琪：不過佢今次返到去


阿琪：無鬧我
阿琪：只係叫我快ｄ沖好涼去訓
我：咁未幾好
阿琪：係啊
阿琪：頭先你講既野
阿琪：認真架？
我：絕對認真
阿琪：開心
阿琪：我去沖涼先拿

本來我諗住呢一個黑夜，就由我同阿琪呢幾個ＭＳＧ而終結，然後，慢慢走去完美既結局。

但係，估唔到，一個突發既事，令到我要決定既野打亂，我同阿琪之間既野打亂，就連同，我既人生都打亂左一樣。

我只記得，呢一個突發，黎得好平靜……平靜到……發生左都唔知咁……