[愛情無限loop] 就係咁，我做左女神一年既備胎: １９９　世事唔會咁巧合既

阿琪想幫ＪＵＤＴ慶祝生日咁諗法，我直接講左比ＪＵＤＹ聽，佢一聽到即刻話好，當然啦，有人肯為你慶祝生日其實係件好難得既事。

能蟹同阿珍都ＯＫ，而阿珍既ＯＫ係加左呢一句，「睇在ＪＵＤＹ既份上，我就出席啦。」

而七三廿一都知道左件事，所以而家會同ＪＵＤＹ慶祝生日既人，有我、阿琪、ＪＵＤＹ同ＣＯＷ、阿珍、能蟹同七三廿一，阿琪知道左有呢Ｄ人出席後就話：「同事我地一定玩得好開心姐。２

「咁一定啦，ＪＵＤＹ生日ＷＯ，一定要開心先得。」我答佢，而佢已經露出左個好興奮既笑容，「不如聽日跑步ＥＶＥＮＴ叫埋佢地黎好唔好啊，我地可以傾下去邊度玩。」

我聽到阿琪呢句說話後，臉有難色話：「要佢地出晒黎，可能係件好難既事。」



「咁又係……」阿琪扁住咀望住我，通常佢咁樣幫住我一定係有野要央求我，好明顯係想我叫佢地出黎啦。

我望住阿琪方誠懇既眼神，「好啦，我試下啦。」

「好野，都係你最好。」係咩，妳知就好啦。

本來我以為叫晒佢地出黎係一件好難既事，而且當中仲有ＣＯＷ同阿珍係度，應該難上加難，但當我實行果陣，係估唔到咁順利，有時有Ｄ野，做落可能同你想像既時候有好大出入。

到左跑步既時間，能蟹好早就到左，而係佢身邊既當然有七三廿一，我同阿琪行到佢地兩個身邊吹左陣水後，阿珍都到左。



七三廿一見到阿珍其實有Ｄ尷尬，不過阿珍行到佢面前，踢左佢一腳後就話：「以後你有排受。」呢句看似懲罰咁話句配上友善既微笑，好明顯阿珍係想化干戈為玉帛。

七三廿一呆左一下，都露出左一個微笑話：「估唔到妳係個咁粗魯既人。」

無錯，佢地之間就係咁簡單就完結左上次既事，可能係因為，佢地兩個之間只可能有友誼，無可能會進展到愛情。

阿珍既出現，令到其他識佢既ＧＲＯＵＰ人都行左過黎，當然係狗公居多啦，佢地不停問阿珍最近點，有無拍拖之類既野，阿珍都難得理佢地。

而係呢個時候，一個人就慢慢咁出現係我地面前，「ＨＩ。」拾拾今日都有出席活動，而佢行過黎，無非係想同七三廿一傾計，但係七三廿一同先前一樣，形同陌路人，「我地去跑步拿不如。」佢講左一句後就跑走左，而我地都跟上去。



我見到咁當然叫埋拾拾一齊跑啦，不詔全程七三廿一都同拾拾零交流，相反既係七三廿一不停同阿珍傾計。

唔通，呢Ｄ係七三廿一既反擊？

跑完步後，ＪＵＤＹ同ＣＯＷ都出現左，佢地兩個企左係運動場旁邊，「你地終於到拿？」阿琪好開心咁跑去ＪＵＤＹ面前問。

「係啊。」ＪＵＤＹ撓住ＣＯＷ，佢地兩個好甜蜜，而我地幾個都慢慢行過去，當中包括拾拾，而我就走係最前面，望住呢一切既發生，係呢一班人當中，有兩個女仔都同一個男人發生過感情，只係而家在場既只有果兩個女仔。

我腦入面慢慢浮現在我先前其中一個諗法，如果，當ＪＵＤＹ同拾拾在場，而個Ｂ男又突然出現，咁會點算呢？

世事無理由會咁巧合既。