[愛情無限loop] 就係咁，我做左女神一年既備胎: ８０　難忘既晚上

同喊到對眼腫晒既阿琪去到Ｍ記，叫左佢平日成日叫既Ｍ記餐，唔好問點解我會識得幫佢叫，因為當你同一個自己鐘意既人成日出街食飯，你點都會記得佢鐘意食咩，叫開Ｄ咩，你點都留意，因為果個係你現時最在意既人。

拎住個餐返埋位，阿琪見到Ｄ雞翼隻眼發晒光，然後問：「有無……」「知妳鐘意泰式醬緊係拎多幾包啦。」

阿琪笑得好開心開始食。

「頭先呢，你未話有個男人向ＪＵＤＹ求婚既，但佢又去令一個男人到咩咩，其實佢都有好多野煩架ＷＯ。」阿琪話。

「係啊，其實聽佢講佢係兩個人之間，對一個要原全付出，對另一個又要原全接受，就好似被人虐待完之後，再去虐待另一個人平衡返咁樣。」我答佢。



「咁好易精神分裂。」阿琪一邊食佢既雞翼一邊講。

「就係囉，但平時見到ＪＵＤＹ好獨立堅強，但估唔到佢愛情呢一方面會咁亂。」我話。

「有時，愛情呢Ｄ野係可以令到一個理志既人變得混亂，就好似ＪＵＤＹ講過既說話一樣，愛情從來都係複雜，就算有人話自己好識得愛情，佢地都只不過係受過愛情傷害既人，愛情係唔會錯過磨練每一個人，ＪＵＤＹ都係，呂晨更甚，我……亦都一樣。」阿琪好感觸咁講：「我拍過幾次拖，有幾次係相睇而開始。」

「相睇？」妳唔係好大都去？」我問佢。

「我阿媽想嘛，唔想逆佢意，相睇果Ｄ人有好多都係富二代，有Ｄ真係會同我講心，但有咩用，當我同佢地都係講心果陣，佢地阿爸阿媽就會覺得我係睇佢地舊金，最後我情願放棄，因為愛情變成一種壓力果陣，已經唔係一種愛情，而係變成一種責任。」佢打開自己部電話，開左一個男仔既相我睇：「呢個男仔，佢話好愛我，但當我問佢，佢阿媽覺得我係睇住金先同佢一齊果陣，佢叫我唔好同佢阿媽嘈，佢連保護我既能力都無，叫我點樣同佢繼續落去，慢慢地，同佢拍拖就變成一種責任。」佢關返張相，然後又話：「再講我個ＥＸ，佢話同我果陣時放棄左好多野，但係我放棄左既野，佢知道咩？佢只會覺得係我令到佢有如此田地，但無諗過我都犧牲左好多野。如果愛情到最後變左不停數大家既不是，呢Ｄ就叫做愛情變成責任。」



聽到阿琪講左咁多之後，我諗左一諗就話：「但其實，愛情變做責任係一定會發生既事，只在乎，雙方肯唔肯一齊去負呢個責任。」

阿琪望住我，自己諗左一諗，再講：「咁你有好似有Ｄ道理。」

聽到阿琪既讚同，我就再講自己既見解，「當一對認定既戀人走埋一齊，佢地會自願性地付出，真心真意唔會計較，就算有事會有磨擦，都會係佢地既考驗，因為兩個人一齊，無可能事事順境，點都要一齊去解決問題，就好似結婚果陣，神父係每對新人面前問既問題一樣，不論以後貧窮疾苦，都會陪伴一生，每次Ｄ人都會講我願意，呢一種就係一種責任，但做唔做到，有幾多人會做到，就要睇佢地對大家既愛有幾重。」

阿琪聽完之後，講左一句：「唔知，可以同我同甘共苦既人，會幾時出現呢？」

聽完佢咁講，我就答：「出現左啦，未係我囉。」可能真係飲左酒係大膽Ｄ，如果係平時既我，點會講呢句。



佢聽到我咁講後，只係笑左一笑，然後就話：「咁我就要睇下你可以點同我同甘共苦拿。」佢呢一句，係咩野意思呢。

就係呢個時候，我同佢既電話都同時響起，我諗，一定係跑步ＧＲＯＵＰ既ＭＳＧ，佢睇一睇後，驚訝地同我講：「呂晨佢ＱＵＩＴ左ＧＲＯＵＰ。」

下！？呂晨ＱＵＩＴ　ＧＲＯＵＰ！？唔通係因為頭先發生既事？佢驚我同ＪＵＤＹ會向所有ＧＲＯＵＰ　ＭＥＭＢＥＲ講？

「不如，你ＳＤ　個ＭＳＧ比呂晨問下佢咩事？」阿琪話。

「好……」我答。

我打開玩話，見到而家既時間已經係凌晨５點幾，今晚，真係一個難忘既晚上。