[愛情無限loop] 就係咁，我做左女神一年既備胎: １７８　我同妳既將來

點解？點解阿珍係咁講，而能蟹先前都係咁諗，阿琪真係有佢地諗得咁複雜咩？

點解佢地要誤解阿琪？點解？但係，我又點解搵唔到幫阿琪既說話。

頭先果一程路，後半段我無反駁過佢地兩個，因為，我唔知講咩好。

佢地話阿琪係一個好需要安全感既人，但係佢需要呢一種安全感既限度，已經去到要佢身邊既人都要注視住佢，佢先會覺我自己有存在既價值。

就好似頭先阿珍出現後，除左我，所有人都冷落左阿琪一樣。



我一路聽佢地所講既野，想反駁但無能為力，因為，我見到阿琪既反應後既感覺，同佢地兩個所講既野都係一樣。

返到家，我訓係張床度諗返，又認識阿琪果一日到而家，只要佢一出現既地方，都會變成焦點所在，唔通真係好似ＪＵＤＹ同阿珍所講，阿琪係想所有人都注意佢，先有安全感？

就係呢個時候，我收到一個ＭＳＮ，係阿琪ＳＤ比我。

阿琪：你訓未啊？
我：仲未啊
我：妳返到屋企未啊？
阿琪：返到拿


阿琪：你呢？
我：我都返到拿
阿琪：今日你講你同ＥＸ　Ｄ野我知
阿琪：唔知點解我好開心
我：竟然（喊笑）
阿琪：可能
阿琪：你肯係我面前露出軟弱既一面掛
我：妳肯同我講以前Ｄ野我知
我：我都好開心架
阿琪：我既過去


阿琪：仲有好多你係唔知
我：但我更想知道既
我：係我同妳既將來

我打完呢句後，阿琪隔左好耐先覆我。

阿琪：（開心）
阿琪：我去訓拿
阿琪：你都去訓啦
阿琪：晚安
我：晚安

我關上電話，諗返頭先同阿琪ＭＳＧ既果句話，「但我更想知道既係我同妳既將來」，呢一句，我係真心ＳＤ比佢，但點解ＳＤ完後，心中卻有一種難以形容既感覺。

有少少高興之餘，又有少少不安。