[愛情無限loop] 就係咁，我做左女神一年既備胎: １６２　公園的閒談

食完蛋糕，同阿琪過多一陣觸處既時光後，我地就約左能蟹同ＪＵＤＹ出黎入野。

佢地兩個一出到黎，ＪＵＤＹ就用好奇異既目光望住我，而能蟹就同平時一樣。

見到ＪＵＤＹ咁，我就問佢：「妳仲咩咁既眼神？」

「你同阿琪慶祝做咩無啦啦叫我地兩個出黎？」佢問我，而我就答佢：「咁叫多Ｄ人出黎飲野，熱鬧Ｄ嘛，阿琪佢鐘意熱鬧。」

ＪＵＤＹ聽到後反左一下白眼，「今日咁重要，好心你就把握機會同阿琪告白啦。」



「講左啦。」我輕描淡寫咁講，而ＪＵＤＹ就好驚訝地望住我問：「咁點啊？」

「未又係一樣，迥話未準備好下一拍拖，有Ｄ事要處理左。」我講完後，ＪＵＤＹ竟然用一個好厭惡既眼神話：「佢係未真係有咁多野要處理啊。」

「唔知呢……」我答佢，然後ＪＵＤＹ就拉埋左我去一邊，好細聲咁話：「咁阿琪同阿富呢？」

「唔知啊。」我又係咁答佢。

「咩你咁蠢咩都唔知架。」ＪＵＤＹ有少少火火地咁講：「你咁蠢可能連阿琪比人搶左都唔知。」



「最好唔好啦。」我話，然後ＪＵＤＹ又同我講：「果個能蟹你都要小心Ｄ啊，你同佢稱兄道弟姐，但我睇得出佢呢Ｄ　ＰＬＡＹＢＯＹ，一定無咁簡單，而且我覺得佢睇中左阿琪。」

「唔係掛……」聽ＪＵＤＹ咁講後，我望一望行係我地前面既阿琪同能蟹，佢地兩個係度打鬧緊，「但係阿琪唔會鐘意能蟹呢種男人架ＷＯ。」我話。

「我夠知啦，但係有時情愛Ｄ野話唔嘛架，你既阿琪唔想姐，但係能蟹條狗公尾已經露出左。」睇黎ＪＵＤＹ對能蟹都好有意見。

我再望一望佢地兩個，就話：「如果真係既話，咁係我害左阿琪，因為能蟹係我介紹佢識。」

「你又做咩無啦啦攬晒Ｄ野上身呢？」ＪＵＤＹ話我：「我只係唔想既好朋友到最後先知道有個危險係佢旁邊，傷害到你咋。」



「無妳講得咁嚴重掛。」我話。

「放長雙眼睇下點。」ＪＵＤＹ答我。

同ＪＵＤＹ對話左一輪後，我地就去到附近既一間酒吧，我地四個好開心咁飲酒同玩，而坐係阿琪身邊既能蟹，唔知係未飲多左兩杯，就開始多手多腳。

我開始會意到ＪＵＤＹ既說話，如果阿富係個睡火山，咁能蟹就係個倒數緊既計時炸彈。

飲到咁上下，阿琪又話要話ＴＲＵＴＨ　ＯＲ　ＤＡＲＥ。

玩既途中，能蟹不停向我打眼色，好似想煲爆阿琪，而坐係我旁邊既ＪＵＤＹ，就不停咁踢我，叫我唔好就範。

我當然唔會咁做啦，不過玩左咁多，阿琪點都會輸，而佢輸左一次之後，因為能蟹既關係，佢就開始輸落去，能蟹問佢既問題都好敏感下，睇落就好似一個情場老手咁，見到阿琪不停咁比佢問，我同ＪＵＤＹ唯有不停保住佢，先叫唔駛比能蟹得呈。

接近尾昇，我各自送左佢地返家，而ＪＵＤＹ一落車返到家果陣，就ＭＳＧ我。



ＪＵＤＹ：都話個能蟹有野架啦

阿琪見到我望電話，就問：「邊個啊？」佢一邊問已經一邊睇我既電話，當佢睇到ＪＵＤＹ既ＭＳＧ，就笑左一下話：「我知啊，但係你估呢個能蟹會奈得我何咩，如果佢想玩，我就要知道佢玩著火。」

我從來未見過呢一面既阿琪，「妳飲醉拿。」阿琪笑笑口話：「我無醉……我今日好開心啊！！！」

扶左佢落左車後，同佢坐左一陣公園吹吹風，散下Ｄ酒氣，而係呢個時候，阿琪就問：「阿牛，你係未想知我成日話有事要處理，果Ｄ事究竟係咩野事？」

聽到阿琪咁問後，我好認真咁向佢點一點頭。

而阿琪，就深呼吸左一啖氣，然後就講左我知……