[愛情無限loop] 就係咁，我做左女神一年既備胎: １３０　夏天到

經過果一晚後，班狗公對我比以前仲差，可能係因為阿琪既果番說話，而且唔只班狗公，好似多左Ｄ男ＭＥＭＢＥ都對我有微言。

不過我都好少理佢地，因為我心目中而家只有兩件事，跑步為健康，然後，可以係阿琪身邊陪住佢。

其實我一直都想知道阿琪仲有咩野煩惱，我知道係跑ＧＲＯＵＰ入面，佢對我已經係最開心見成果個，但係，我隱約感覺到佢仲有好多煩惱係無話我知。

不過佢唔主動講，我都唔會望動問，因為到時間佢想講的話，就會自自然然同我誚。

話咁快天氣又開始轉熱，係涼爽既跑季，我同阿琪跑左三個１０Ｋ比賽，雖然唔係單獨同佢參加，每次都有成大班ＭＥＭＢＥＲ陪住，不過，都為我同阿琪帶黎左好多開心既回憶。



ＧＲＯＵＰ入面既人來人往都好快，隔幾人就會布人ＱＵＩＴ，但再隔幾人就會有人入ＧＲＯＵＰ，時間耐左，都慣晒。

有時呂晨都會叫我出黎跑架，佢會八下我同阿琪以及ＪＵＤＹ既近況，佢聽到ＪＵＤＹ既事後，都替佢開心。

每次同呂晨跑我都會話比阿琪聽架，唔好問我點解咁做，我都係下意識話佢知。

同阿琪既關係，只可以話慢慢咁進步，但係好援慢，不過我唔急，真係……？

一到夏天，好多人係跑ＧＲＯＵＰ唔止講跑步，有人會講埋游水，不過，我真係唔好游水，事關我天生怕水，雖然上年我阿媽捉住我教，我都只係學識一半。



點一半法？未就係郁腳果陣雙手唔識郁，郁手果陣對腳就唔願踢水。

阿琪佢有時都會同我講，有好多ＭＥＭＢＥＲ私底下問佢去唔去游水，想約佢，但佢就無理過果Ｄ人，因為佢都唔識游。

所以，夏天去游水呢個活動，對於我同阿琪係不適宜……我一直係咁認為，直到……

ＪＵＤＹ：我想去游水啊
ＪＵＤＹ：你地陪我去游水
ＪＵＤＹ：一定要陪我
我：下？我唔係幾識游ＷＯ


阿琪：我都唔識游水
ＪＵＤＹ：唔理啊
ＪＵＤＹ：ＣＯＷ前日話會陪我去游
ＪＵＤＹ：搞到我滿心期待
ＪＵＤＹ：點知佢話要做野去唔到
ＣＯＷ，你下次應該答應佢去跑步嘛，游水我點幫你呢。

ＪＵＤＹ：唔理啊，我預左你地兩個要去

我同阿琪見到呢個ＭＳＧ都好無奈，不過阿琪不嬲都係心軟派唔識ＳＡＹ　ＮＯ，所以……

阿琪：好啦，但係妳要教我游水
ＪＵＤＹ：好啊，就咁話
ＪＵＤＹ：跑ＧＲＯＵＰ有個ＭＥＭＢＥＲ好似都想游，問下佢先



咩話！？唔係掛！？比其他ＭＥＭＢＥＲ知道未……大家想知我擔心Ｄ咩，我擔心如果比其他ＭＥＭＢＥＲ知道阿琪會去的話，會有一大班狗公衝黎，而且見到我一個男同兩個女仔去游水，佢地一定會制造話題。

求神拜佛ＪＵＤＹ講果個係個正常ＭＥＭＢＥＲ啊。

ＪＵＤＹ：金姐都話去啊

好彩，係金姐，但就當我以為鬆一口氣之際，悲慘既事發生左，我收到，阿琪既ＭＳＧ……

阿琪：你快Ｄ入ＧＲＯＵＰ睇下……

見到阿琪個ＭＳＧ，我即刻入ＧＲＯＲＰ睇，見到既係有個人ＳＤ左個ＥＶＥＮＴ　ＭＳＧ出黎，上面既題目係游水，以名單如下：

１　阿牛
２　阿琪
３　金姐


４　ＪＵＤＹ

而ＳＤ呢個ＭＳＧ出黎果個人，係ＪＵＤＹ！！！！！個衰妹玩野啊！佢實知如果ＳＤ左個咁既ＭＳＧ！班狗公一定有拎我講好多野！而且點解我個名要放第一！係佢想去！點解唔係佢！！！

ＪＵＤＹ！！！！！！！！！

就當我見到呢個ＭＳＧ一臉驚訝之際，ＪＵＤＹ打左比我，我一接聽，就聽到ＪＵＤＹ笑得勁大笑咁話：「牛兄，你而家感覺如何？」

「妳個衰妹！！！」我怒罵，而ＪＵＤＹ笑得仲大笑講：「我制造機會比你同阿琪咋。」

「我覺得妳擺我上臺同等睇好戲囉……」我回應佢。

「你又唔蠢得晒ＷＯ，我同金姐都好期待果日會有咩好戲上映。」聽到ＪＵＤＹ咁講後，我深切明白原來金姐都係有份擺我上臺既人。