[愛情無限loop] 就係咁，我做左女神一年既備胎: １０７　三個臭皮匠

而家係我面前，係一個一副愛情專家既能蟹仔、成日打我個頭既老牛大人、同用好崇拜既眼神望住佢地兩個人既ＣＯＷ……呢個，究竟係野野組合。

「兩位高手，我應該點樣先可以哄返我女朋友？」ＣＯＷ今日呢個問題已經問左好多次。

「係女人都鐘意搞大龍鳳，搞鑊比佢嘆下。」能蟹仔，頭先你講既野都好有道理架，但點解今次講既野咁唔同既。

「大龍鳳？姐係點？」ＣＯＷ問。

「大龍鳳，就係公開比所有人知，你有幾愛佢。」老牛大人好鏗鏘咁一字一字講出黎，而ＣＯＷ就一副如夢初醒咁款。



而我，就好無奈咁望住佢地，究竟係我既問題，定佢地既問題，點解我有一種唔想識呢班人既感覺既。

「但係……要點搞啊？」ＣＯＷ問。

能蟹仔好認真咁望住ＣＯＷ，「一定要浪漫，而浪漫底下永遠由一樣野支撐。」

「係咩野？」ＣＯＷ問。

「錢！」老牛大人又好鏗鏘咁講，而ＣＯＷ一副恍然大悟話：「錢我有。」



「咁就要諗下要點浪漫，有錢既支撐後，就要用令一樣野昇華。」能蟹仔又話。

「係咩？」ＣＯＷ又問。

「你地美麗既回憶，又或者更美好既驚喜。」老牛大人答。

ＣＯＷ不停咁點一點頭。

其實，佢地講既野係未真係ＷＯＲＫ架……等等，佢地三個人好似望住我ＷＯ，我問一問佢地，「咩事？」



「係比Ｄ意見好唔好啊，唔好剩係坐係度啦，硬頸牛。」能蟹仔話。

「未係，都唔知點解生到你咁撚蠢都有既，好彩你識Ｄ朋友唔蠢姐。」老牛大人，蠢都係你生成我咁架……

ＣＯＷ就用好認真既眼神望坐我，好期待我既答案，而我，就用高登巴打絲打既一貫答法話：「ＷＨＹ　ＮＯＴ　ＢＯＴＨ……」

「好答案！」佢地三個就異口同聲咁話。

我愈黎愈覺得成件事愈黎愈危險，我再望一望我地呢個組合，終於諗到一句話，就係，三個臭皮匠，勝過……唔駛得講落去啦……