[愛情無限loop] 就係咁，我做左女神一年既備胎: １１３　ＦＥＥＬ

「屌！頭先佢地行路唔帶眼！整到我倒瀉左杯檸樂囉！」ＪＵＤＹ扮晒嬲咁同果個男人講。

「哦，咁妳自己小心Ｄ拿，我走先。」下，就咁咋，呢個男人講完呢Ｄ野後就走左，剩低我地三個人。

兒唔兒戲Ｄ啊。

我地三個你眼望我眼咁，阿琪首先開聲問：「果位係……」

ＪＵＤＹ嘆一嘆氣，「未係Ｂ男囉。」



下？果個係Ｂ男！？係我心目中，我以為Ｂ男係好靚仔好正好型架ＷＯ，點解會係咁既款架，目測矮過我，肥又好似肥過我，仲散發出一種講野摟屌既性格，呢種男人會吸引到ＪＵＤＹ，唔係掛！！！

阿琪聽到ＪＵＤＹ話係Ｂ男，都一副難以置信既樣望住佢。

而現時，尷尬左一陣，「等等，點解你地兩個會係度架，係度食野唔叫埋我。」好明顯ＪＵＤＹ係想轉移話題。

我同阿琪對望再一眼，然後就笑住望住ＪＵＤＹ話：「妳個衰妹就未轉話題啦。」

「頂啊！串我！」ＪＵＤＹ都笑左出黎。



阿琪拎左張紙巾比ＪＵＤＹ擦身，而ＪＵＤＹ一邊擦一邊話：「又會比你地撞破咁搞笑既，好彩唔係比Ａ男撞破咋。」

「如果係既話就好笑。」阿琪話。

「妳玩野啊。」ＪＵＤＹ瞪一瞪阿琪，而陪琪就笑笑口叫ＪＵＤＹ唔好嬲。

「係拿，點解個Ｂ男咁早走既？」我問。

「無啊，佢話約左人ＷＯ，我都費事理佢。」佢講就一副瀟灑，但係睇得出佢個心係不是味兒果隻。



阿琪見到佢咁，就搭住佢膀頭話：「唔好唔開心，等姐姐陪你飲返晚傾天光。」

下！？唔好掛，又飲野……我好驚咁望住ＪＵＤＹ，好彩ＪＵＤＹ答佢：「唔得啊，聽日一早就要返工，不如下星期好唔好啊，約多Ｄ人，開心Ｄ好玩Ｄ。」

「都好啊，可以叫埋跑ＧＲＯＵＰ　Ｄ人去。」阿琪，我無聽錯掛，妳叫埋跑ＧＲＯＵＰ　Ｄ人去，咁果班狗公未出晒黎囉。

「一言為定。」「一言為定。」佢地兩個已經約定左，「喂……我都未表態……」估唔到，我講完呢句後，阿琪就話：「我去就姐係你都去。」

唔知點解，聽到阿琪講呢句後，個心好甜添。

我地三個人又一齊返屋企，今次係送完阿琪然後先送ＪＵＤＹ，一路上，ＪＵＤＹ無咩點講野，佢不停咁睇手機，好似，等緊某個人。

「妳等緊Ｂ男　ＳＤ　ＭＳＧ比妳？」我問佢，然後佢點一點頭。

「不過，妳成晚既手機都不停震緊架，唔係佢咩？」我又問，然後佢搖一搖頭話：「係Ａ男。」



估唔到，頭先話要做返自己既Ａ男，一返到去都係不停ＳＤ　ＭＳＧ比ＪＵＤＹ。

「有時，我每次見到Ａ男既ＭＳＧ，都覺得好大壓力。」ＪＵＤＹ話，而我不解咁問佢：「點解呢？」

佢又望一望電話，見到ＳＤ　ＭＳＧ比佢既仍然係Ａ男，「每次見到佢既ＭＳＧ，我都覺得我係度浪費緊時間，如果佢係將呢Ｄ時間用係一個對佢有感覺既人身上既話，一定會仲開心。」

「點解，你會咁覺得？」我問佢。

「因為，咁樣佢就可以開始一段開心快樂既戀情。」ＪＵＤＹ答，然後佢又望一望電話。

「唔會囉，佢選擇左妳。」我答佢：「其實佢而家既情況未就似妳同Ｂ男咁姐，點解可以簡單咁開始一段愛情，係都要變得咁複雜。」

「牛兄，你唔明架拿，因為……」「因為無ＦＥＥＬ嘛，係未？」我係佢未講完就搶先講左：「你唔好等到Ａ男無ＦＥＥＬ果陣，先後悔無同Ａ男發展。」



ＪＵＤＹ聽到我咁講後，停下左腳步，佢好認真咁望住我，然後話：「可能，到左果個時候，我先對Ａ男有ＦＥＥＬ……」

我聽到佢咁答後，就只是嗤笑左一下，「咁妳等下，呢個情況好快出現。」