[愛情無限loop] 就係咁，我做左女神一年既備胎: ３６　單獨相處的時光

行街既過程，就好似車輪戰咁，本身佢地兩個行係前面，但有時又會無啦啦一個人向後行過黎，係我地旁邊傾計，就好似想拆散我同阿琪咁，我同阿琪都當然醒目啦，不停換位，但係，點解行街要行到咁……

所以當去到坐行人電梯果陣，我同阿琪打左個眼色，佢都知道我想點，就係，襯佢地兩個唔為意果陣，我地就閃人。

「頭先真係尷尬到呢。」走出佢地兩個視線範圍內既我地，好似如釋重負咁。

「係啊，都唔知同佢地講咩好。」我同阿琪講：「其實個艾倫都幾乞人憎下。」

「係啊，佢把口成日都唔識收。」阿琪話：「仲要佢已經有個就結婚既女朋友，仲可以成日得閒同撩其他女仔，人又唔係靚仔，都唔知佢邊度黎既自信。」



睇黎阿琪對於佢都幾反感下ＷＯ。

「咁佢有無成日煩妳？」我貪得意問下。

「緊係有啦，仲日日ＳＥＮＤ　ＭＳＧ黎添。」阿琪一副唔好氣咁話：「記唔記得我地第一次見面啊？」

「我第一次目妳係跑步ＷＯ。」我答佢。

「我講緊跑步鞋交收果日啊，衰人。」阿琪作狀打左我一下。



「記得記得。」我笑住話。

「果日我未話約左朋友飲野既，未係佢囉。」阿琪講完之後，我驚訝望住佢，「唔係掛。」

「係啊，果陣岩岩先識，點知佢係咁既人，而佢果陣又問我果晚會去邊，我未話去跑鞋交收，之後就去飲野，點知佢又話要去，我已經同佢講左唔好，但佢死都要出現。」阿琪話。

「唔掛得妳果日臉露難色啦，而且話坐左唔夠十五鐘就走。」我答。

「係啊，因為佢真係好乞人憎，我果日飲野已經不停提佢女朋友，佢竟然話出黎玩就唔好提呢Ｄ野，賤格到咁。」阿琪講講下有少少嬲嬲地。



「唔好為左呢Ｄ人打消你睇鞋既雅興，我地一陣睇完去食野好唔好？」我話。

「好啊。」阿琪笑返答我。

「真係呢，一講食妳就開心晒。」我一邊講，一邊整佢個鼻。

「咩ＷＯ。」阿琪笑住答我。

如果，如果可以同阿琪一直咁樣相處，都幾好啊，當然，如果可以再多Ｄ的話，就更加好。