[愛情無限loop] 就係咁，我做左女神一年既備胎: ８４　與阿富既打賭

賽季，原來有一個好神奇既ＧＲＯＵＰ中現象，有好多真係跑既人出左黎ＪＯＩＮ跑步ＥＶＥＮＴ，相反地，果Ｄ平時出黎剩係為左睇女仔既狗公，好似一次比一次少。

可能係因為練跑既難道高左，令到Ｄ狗公追唔上跑步量所以棄權掛。

而我就繼續跟大隊練，有時無ＥＶＥＮＴ我就會自己一個人練跑，有時我會叫阿琪一齊跑，如果，阿富見唔到的話。

唔知點解，阿富好似裝左追蹤器咁，有好幾次我同阿琪約左一齊跑步，跑跑下都會見到佢，然後就ＪＯＩＮ埋一齊跑。

而每次我都見到阿琪臉帶難色，但係阿富又真係好認真跑步，我都無理由拒絕佢。



就係咁，好幾次既跑步後，阿琪都同我講：「點解佢好似次次都知我地一齊跑咁既？」

「我次次啊……」無錯，係我想像中有一次佢無跟黎一齊跑，果次係阿琪去我樓下，但係只要果次跑步係我去阿琪樓下等佢既時候，阿富都會出現。

「可能，佢見到我係樓下等妳掛。」其實阿富住係阿琪附近，所以見到我等佢都唔出奇。

「如果係咁，我地下次約去你樓下等啦。」阿琪話。

唔知點解，阿琪最近好似好唔鐘意同阿富一齊，就算食飯都唔想同佢一齊坐，如果呢件事係得我覺得係咁既就無問題，但係我聽到其他ＭＥＭＢＥＲ都有咁既說法後，就有Ｄ擔心阿琪同阿富。



不竟阿富係一個已經有女朋友既人，而阿琪佢又係單身，阿富最近所做既野就好似一個男朋友先會做既野一樣。

每次跑步果陣，阿富都特登幫阿琪霸ＬＯＣＫＥＲ裝野，仲要幫佢準備一個鎖，買左好多水或者野飲比佢，阿琪以前就可能受落，但慢慢佢就開始有Ｄ反感，因為阿富做得太出面，出面到好多人係背後講。

跑完步果陣，一定要坐阿琪旁邊，幫佢夾菜，幫佢擦碗，我令次坐係阿琪面前，都只會見到阿琪好無奈咁望住我，我有時會幫佢擋下，但係都唔係擋得幾多次，有時我做野太忙無去，阿琪都會ＳＤ　ＭＳＧ比我叫救命。

呢Ｄ一切一切，使阿琪對阿富愈來愈抗拒。

今次同阿琪一齊跑步途中又遇到阿富，已經係意料中事，跑完步我地兩個送完阿琪返去後，阿富就話：「牛兄，可唔可以同你傾Ｄ野？」



阿富係大過我，但係佢份人好好禮，通常都會哥前姐後咁叫人。

「……好啊。」阿富都講都出聲，我無理由拒絕。

我地去左一間茶餐廳食野，食到咁上下，阿富就問：「上次問你係未追阿琪，你話係，咁而家呢？」

阿富既問題令我有少少可笑，不過我都好認真答多佢一次：「係。」

阿富見我答得咁認真，就話：「咁……你要加油。」

我聽到阿富既加油，更加覺得好笑：「阿富，不要你有咩想講就講啦，大家男人，無謂有野收收埋埋。」

阿富只係嘆左一口氣，然後話：「我都唔知點講好。」

「你鐘意阿琪係唔係啊？」竟然阿富唔知點誚，我就只好用呢個問答既方式問佢。



阿富聽到我咁問，好訝異望住我，「點解你知既？」

「明眼人都睇得出啦，你唔好以為其他人都傻先得架。」我話：「但阿富，你要知道你而家係有女朋友，就無謂搞咁多野啦。」

我呢一句，換黎阿富另一個嘆氣，「我都知，就係咁先煩。」

「煩你又要中個頭過去？」我問佢。

「你唔明架拿牛兄，當你遇到一個你覺得好適合你既人，你係會無可抗拒果個人既吸引力。」阿富話。

呢一刻，我好認真咁望住阿富講：「未玩啦，你講呢Ｄ只係將自己既見異思遷包裝成完美既說話，你自己見一個就鐘意一個，好好地認左佢未算囉。」

阿富望住我，又係好訝異咁望住我，可能，佢無諗過我會講Ｄ咁既野。而唔知點解，我覺得而家眼前既阿富，就好似先前阿塔一樣。



我唔希望，阿塔事件再次發生，亦唔希望，係咁多人眼中好好男人既阿富，會比人貫以一個見異思遷既名號……雖然可能已經有人咁講。

阿富佢低頭諗左諗，「我真係唔知點？」佢慢慢抬頭望住我，係一個懇求既眼神，「牛兄，可唔可以同我打一次賭？」

下？無啦啦又打咩賭啊？

「不如今次我地跑步比賽，你跑得快過我既話，我就唔再煩阿琪，好好咁對我女朋友，好唔好啊？」阿富講出黎既說話，真係好難以置信，難以自置信既係，我無諗過阿富竟然會講Ｄ咁既野，兩個人既感情，點可以推落別人身上。

本來我想拒絕佢，但係佢不停用懇求既眼神望住我，我都唔知點決絕。

「如果我輸左，我真係唔會再煩阿琪，好唔好？」阿富又再講多次。

我好認真咁諗左一諗，如果我跑贏係可以幫到阿琪的話，咁……「好，就咁話。」

我唔知，呢個選擇係未岩呢？