[愛情無限loop] 就係咁，我做左女神一年既備胎: ２４９　跟人行動開始

屈服左係阿琪既央求後，我約左佢今晚早Ｄ到先，因為可以同佢兩個人食野，都好耐無同阿琪夜晚兩日單觸食野ＬＵ。

而到左１０點，都未見能利有咩野動靜，所以我ＳＤ左個ＭＳＧ比佢，但等左成半個鐘後，能利先覆我。

能利：就到

然後，又等多左半個鐘頭，先見到能利施施然行過黎，１１點……姐係佢足足遲左一個鐘頭。

佢一行到過黎，一句對唔住都無講就問：「呢個女仔係邊個？」



而我就話：「佢都係能蟹既朋友，佢叫阿琪。」

阿琪只係對佢笑左一笑，可能，因為能蟹講左佢地對自己既感覺後，阿琪有少少尷尬掛。

而能利聽到我介紹阿琪後，不停點頭然後話：「佢就係阿琪，真係聞名不如見面ＷＯ。」

其實你地兩個一早已經見過，只係你果陣唔知姐。

佢講完呢句後，現場就突然間靜晒，而我見到咁就是但搵左Ｄ野問：「妳……妳食左野未啊？」



能利佢反左下白眼話：「你未咁撚ＯＮ９問埋呢Ｄ野啦，不如好好地諗下一陣要點樣開始仲好啦。」

見妳係能蟹條女，我忍妳，「咁能利小姐有無咩野高見呢？」

「我已經問左能蟹，佢話呢幾日跟個呢個女人，得知佢通常都會係某幾個地方出現，所以我地可以去呢Ｄ地方試下，但係佢仲提過一點，叫我地小心Ｂ男，雖然佢呢幾日跟果個女人果陣無見過Ｂ男既身影。」能利話。

估唔到能蟹跟呢個女人都跟得幾足，連去邊幾個地方都知，睇黎佢真係好想幫呢個女人，不過能蟹講左既果一點好重要，就係Ｂ男。

呢一刻，我望一望阿琪，然後話：「我今次一定會好好保護妳。」



阿琪聽到後，微笑左一下話：「知拿。」

而能利佢又反左一下白眼，然後話：「咁我地起程啦。」

就係咁，我地三個就開始左今晚既跟人行動。