[愛情無限loop] 就係咁，我做左女神一年既備胎: ３０４　我既答案

直到食完餐飯，離開金姐屋企，我仲思考緊ＳＵＮＮＹ問我既果一條問題，愛情究竟有無分男女呢？其實，我好想答無，因為我總係覺得，永遠都係我先去追求別人，ｄ女仔都係享受我追勆果陣我對佢既好。

我雖然只係拍過一次拖，但係都追過幾個女仔，但係，佢地都只係話我係一個好人，姐係，收左好人卡。

但點解，我就只可以係收取好人卡既果一個，直到我同我既ｅｘ　拍拖，我以為可以打破果一個局面，但到最後，都係分手收場。

係升降機入面，得我同ＳＵＮＮＹ兩個人，佢因為話要落街買ｄ野所以送我落黎。

但係我知道，佢想做既野唔係佢所講既野，而係，想聽我既答案。



「我覺得係。」我答ＳＵＮＮＹ。

而ＳＵＮＮＹ只係笑一笑話：「如果你真係咁樣諗既話，你選擇繼續追阿琪，陪佢返大陸只會繼續痛苦落去，無結果。」

「點解？」我問。

「其實頭先你答我愛情有男女之分，我有少少失望，阿牛，愛情永遠都係兩情相悅，就算ｄ人成日講女追男、男追女都好，其實兩個人係埋一齊必定係大家都對大家有所感覺，所以愛情，只會分為得到以及得唔到，你明唔明啊，阿牛？」ＳＵＮＮＹ語重深長咁話。

「咁你既意思，係阿琪同我，其實係得唔到既愛情？」我又問。



呢一次，ＳＵＮＮＹ只係拍一拍我既膀頭話：「其實，你自己一早知，點解仲要問我。」

係，可能答案我一早就知。

行出升降機，ＳＵＮＮＹ係我身後問我：「阿牛，如果你覺得愛情有男女之分，你覺得自己做咁多野去追阿琪，係未一種認命既諗法？」

我聽到佢咁問後，企左係度，轉身後望住佢：「如果話係認命既話，倒不如話我係認定左而家呢一刻，阿琪係我既唯一，我想同佢係埋一齊，我想佢做我女朋友，甚至以後我想佢做我老婆，我地仔女既媽媽，所以生為男性既我會用盡方法去追佢，聽起上黎可能會比睇唔起，覺得我係兵，不過，我唔會介意佢地既想法，而且，我都認同你既講法。（

「我既講法？」ＳＵＮＮＹ笑左一笑。



「我總係覺得愛情係有男女之分，但我都相信，要得到愛情要兩情相悅，我可以肯定阿琪對我有好感，只係我地雙方可唔可以行多一步，就要睇接落黎我可以點做。」我好認真咁回答，而我面前既ＳＵＮＮＹ點一點頭，「希望，一切都可以照你既計劃進行。