[愛情無限loop] 就係咁，我做左女神一年既備胎: ３２１　親愛的牛仔

親愛的牛仔：

由你細個成隻乳豬咁細隻，養到你而家牛高馬大成隻牛咁款，計下計下原來都有廿幾個年頭，細個果陣你想做既野點都要做到，就似你日日都要騎膀馬一樣，上左中學反叛期更加勁，講極都唔聽，不過好彩你無誤入崎途。

直到，你長大後讀完大學，出黎做野後，氣焰雖然有少少減退，但係依然遺傳左我果樣野，就係你阿娘成日鬧我既果樣，牛脾氣同鑽牛角尖。

我以前都會覺得呢兩樣野係唔好既野，不過漸漸地發覺，如果無左呢兩樣野，我仲會唔會有瓷日咁幸福呢？

壞既角度睇係牛脾氣，好既角度就係毅力。



壞既角度睇係轉牛角尖，好既角度係堅持。

當年好多事就係憑呢兩樣野先可以撐過去，追你阿娘、落黎香港、組織家庭、為左家而工作……如果唔係呢一份牛脾氣，好可能我早就已經放棄左。

你失戀後，其實我好擔心你諗埋一面，但係好彩你果一份牛脾氣走向正面帶你離開苦痛，而且仲打開你人生新既一頁，你知唔知啊，當我知道你有鐘意另一個女仔既時候，係幾咁開心，因為我個仔無中途轉基。

不過一直聽你對我既傾訴，發覺你走返我條舊路，我地兩仔爺都係一個面對我情就變成白痴既人，但試問有邊個人係戀愛中唔會變成白痴，所以我可以做既，就係將我以前所經歷過既野教你一次。

愛情永遠係兩個人既事，最緊要係自己既心態，隨自己所想，如果有一日你發覺對呢個女仔無左果一份執著，就放手啦，但如果仲未有呢一種諗煩法，我可以直接同你講，你條ＯＮ９仔仲驚咩撚野，諗左就去做啦，坐係度把鬼啊，諗左去做但係自己想要既結果，可能你會後悔，但起馬無遺憾啊。



但都要記住，所有野都要計劃好同諗下得失，世事無野係兩全其美，你選擇左一樣野亦代表你放棄左一樣野，就好似你先前問我面對兩難既時候一樣，記住，衡量好得失就全心去馬啦，所以如果你想返上大陸陪果個女仔，我會支持你，我唔係支持你既行動，而係支持你既心態。

不過而家心科技咁發達，可以視訊又或者ＳＤ　ＭＳＧ比我地，唔好忘記你仲有呢個家，你想幾時返黎休息都可以。

呢度仲有一Ｄ人民幣，就當做生活費，但之後既事，就要靠你拿，做我個仔就要做一大有擔當既男人，阿爸知道，你得既。

你阿爹　上