[愛情無限loop] 就係咁，我做左女神一年既備胎: ２５７　ＭＡＮ　ＴＡＬＫ

如果，阿銀既問題係佢由佢生活上面帶黎既話，咁樣可以話係佢既一個陰影，試問有一句最老套既說話叫做心病還須心藥醫，但係阿銀既心藥係ｄ咩呢？

唔知？

係能蟹？係金姐？定係……

呢一個問題，成為左呢幾日我地幾個成日諗既問題，過左幾日後，我收到ＳＵＮＮＹ既電話，佢約左我出黎，而姐仲有能蟹。

我地幾個係果次幫ＣＯＷ諗點樣哄返ＪＵＤＹ既大排檔度食野，而ＳＵＮＮＹ約我地出黎，當然係傾果晚發生既事。



佢一坐低就咩都唔理，叫左幾支大啤，然後同我地兩個講：「今日男人既世界，無女人係度，講野唔駛就住就住。」

能蟹聽到ＳＵＮＮＹ咁講後，笑左笑話：「都係既，有時有ｄ場合有女人係度，我地男人係唔可以暢所慾言。」能蟹開左一支大啤，幫我地倒滿左後就話：「為我地呢幾個為女人辛苦既男人，飲杯啦。」

我聽到佢咁講都笑左一笑，能蟹為既女人係能利，ＳＵＮＮＹ為既女人係金姐，而我為既……係未阿琪呢？

碰杯過後，我地叫左幾個菜送酒，而ＳＵＮＮＹ就話：「係知唔知道當我聽到阿金佢以前既事後，我有一種感同心受既感覺。」

能蟹聽到ＳＵＮＮＹ咁講後，用好奇既樣望住我，而我就解釋話：「ＳＵＮＮＹ同金姐一樣，都係離過婚既人。」



ＳＵＮＮＹ聽到我咁講後，搖左搖頭然後話：「唔單止係咁，我地除左都係離過婚既人之外，以前後生都係被好異性圍住係身邊既人，姐係果ｄ所謂男神同女神。」

聽到ＳＵＮＮＹ咁講，再望一望佢，其實佢雖然４０幾歲，但係保養得好好，成個任達華咁款，所以佢話自己以前係男神，我真係信架，當然金姐都係啦，佢本身係美魔女，後生係女神都不出為奇。

而能蟹聽到佢咁講就話：「真係失覺晒ｗｏ。」

ＳＵＮＮＹ笑左笑又話：「果晚我未話金姐因為被人傷害過後，所以怕自己個女都受同樣既傷害，所以唔想佢咁早試愛，不過，其實我話想同金姐一切果陣，佢都諗左好耐。」

「咁最後點解你地又會一齊？」我問。



「我同佢講我地兩個都已經係受夠傷既人，好明白而家眼前既對方係未一個可以直到最後既伴侶，如果妳覺得係既話，我地就一齊，如果妳覺得唔係既話，我地就咁算。」ＳＵＮＮＹ話。

「好野，ＳＵＮＮＹ，你呢ｄ先係男人黎嘛，阿牛，你要學野拿，唔好為左一個唔值得為佢好既人一直等落去咁ｏｎ９啦。」好明顯能蟹佢開始飲醉。

「又做咩無啦啦講我果ｄ野ｗｏ。」我話，但估唔到ＳＵＮＮＹ都講：「你兄弟講得無錯架阿牛，等其實唔係一個問題，但如果果個人覺得你根本同佢無可能既話，你等幾耐都係無用架，記住，有時做男人要硬正ｄ架，咁樣ｄ女人先會覺得有安全感，嫁得過。」

唔知點解，總覺得呢句說話，如果係能蟹講出口我可能會燥底，但而家係ＳＵＮＮＹ口中講出黎，反而又好似有ｄ道理。

我地三個男人，愈飲愈多，愈飲愈多，咩都傾下，而最重要既我記得係有傾過點樣幫阿銀同金姐既事，但係詳細內容……我就唔係幾記得。

不過發展落去既事……可以話係波折重重。

因為又係一個會入院既故事。