[愛情無限loop] 就係咁，我做左女神一年既備胎: ２８６　二十七腳後

當我聽到馬高呢一聲之後，到我笑得好衰咁望住佢，而佢就用一個害怕既眼神望住我話：「你想點？」

「唔知……你頭先有無飲到果ｄ落左野既酒呢？」我問，而馬高就即刻同主持話：「主持！呢條友食左藥，我要捉佢去驗尿啊。」

咦！？係我眼前馬高隻手，係張開晒架ｗｏ，咁似包既，而我，點解好自然，直頭可以話係反射動作咁，出左個剪。

「你輸左ｗｏ。」我話，而馬高見到我出左個剪既時候，就話：「你都痴撚線既，我同主持講緊野，呢一次唔……」

我真係理撚得佢，一見佢輸就一腳車左過去，係啊，我車既地方就係佢頭先踢我既地方，但佢同我既反應唔同，當我既腳面一接觸佢下面既時候，佢既臉容就開始扭曲，冷汗，一滴、兩滴……唔好意思，原來果ｄ唔係冷汗，係眼淚。



我塞左個螺旋手裏劍入佢既春袋後，佢成個人彈起然後雙手用查克拉治療自己下面期間，佢係成個人跌左落地下然後打滾……可能佢係用土遁秘術掛……

「好撚痛啊仆街！」陪住佢呢一句，仲有果一下倒抽涼氣既聲音。

「繼續。」對住呢ｄ咁既人，緊係要有風駛盡利啦，我行到佢前面，而佢就不停向我搖手，「唔玩住啊！」

又係呢一個包，我剪，用贏，我隔住佢對手都一野踢落去。

「你條仆街咁撚毒都有既！」佢指我，但係點解指人要用兩隻手指呢？我揼，然後我一樣隔住對手踢落佢果度。



原來，當你駛盡利果一刻真係好爽，不過大家記住，呢ｄ情況到最後都要還，所以我都見好就收……我踢左佢二十七腳左右就停左手。

二十七腳，應該唔算駛得好盡啦。

而馬高佢就弓起個身訓左係地下度，我見到佢塊面真係青晒，無晒血色咁，個身仲係度打緊震，仲好似見到，佢果度慢慢滲緊ｄ水出黎……咁又係，比人塞左二十七個螺旋手裏劍入春袋，流出液體正常既。

「主持，佢比我踢到反晒眼咁，再踢落去既話，我諗佢實嘔泡，不如你判我贏啦。」我同個主持講，然後個主持行左去馬高度，望一望馬高，係佢耳邊講左幾句，但係馬高跟本答唔到，主持見到馬高咁，只好話：「……呢一場男子就勝方係呢一位男士。」佢好ｈｅａ咁講完後，就叫左幾個人扶走馬高，「好！我地緊接住就進行女子組！」住場又係主持人呢一句話後起哄。

下？就咁完左？我地男子組呢一個一面倒既情況你講都唔講下，你點做主持架。



而阿銀，佢見到馬高既敗陣，嗤笑左一下，好似係笑緊馬高無鬼用，然後，就望住金姐，又做左果個打巴既動作，輕拍左自己塊面兩下。

睇黎佢地呢一個扛巴比賽，會比我同馬高既互踢好睇得多。