[愛情無限loop] 就係咁，我做左女神一年既備胎: ７２ 兩支涼茶
同ＪＵＤＹ食完飯，陪左ＪＵＤＹ行左陣，陪佢買左份禮物比一個人，而我多口問：「買比邊個架？」
「我鐘意果個。」佢笑得好甜，但係眼神間就睇得出佢好空虛，佢望住份禮物，然後問我：「牛兄，你會唔會覺得我係一個壞女人？」
「點解咁問？」我問佢。
「如果一個人，好人好姐點會周旋係兩個人之間ＷＯ。」ＪＵＤＹ好感觸咁講呢一句：「你估，真係貪好玩咩。」
「但係……咁……妳……」我無諗過一個我覺得咁識諗既ＪＵＤＹ會係我面前露出呢一面，而我又唔知講咩野可以幫到佢。
「你唔駛口窒窒咁ＷＯ，我都知我而家呢個處境，無人可以比到答案我既。」佢好樂天之命咁講：「不過，我明白，呢個男人對我黎講，係毒品黎。」佢搖一搖手中果份禮物。
「咁，希望妳可以早日脫毒。」我同佢講。
「你呢個脫毒係未用錯位呢？」佢笑得好開心咁話。
「又係ＷＯ。」我又傻笑咁講。
之後送左佢返屋企後，我不斷回憶ＪＵＤＹ所講既野，佢話自己愛果個男人，係佢既毒品黎，咁樣，阿琪對我黎講，算唔算……係一種……包左糖衣既毒藥呢？
一諗起阿琪，阿琪就ＳＤ左ＭＳＧ比我。
阿琪：你想飲咩涼茶啊？
我：唔知啊
我：阿富想呢？
阿琪：唔理佢啦
阿琪：我睇下你想知咩就煲咩
我：一時問起我唔知添
我：妳煲咩我就鐘意飲
阿琪：口花花
但係……如果……阿琪對我黎講係一粒包左糖衣既毒藥的話，我點都會願意，去試一次。
阿琪好快就煲左涼茶出黎，然後就約左我同阿富出黎交收，而阿琪既往績黎睇，佢一定會盪失路，所以變左我同阿富等緊阿琪。
同阿富一齊，真係有Ｄ尷尬……
「係拿……」阿富佢同我講野：「最近你同阿琪點啊？」
下？你呢條問題都幾搞笑架ＷＯ，我同阿琪點有關你事，「無咩野啊，點解咁問？」
「無野。」佢答完我之後無野講。
「咁你同阿琪又點啊？」到我問返佢。
「無啊，未又係好似普通朋友咁囉。」佢答我。
「咁未幾好。」我話。
「係咩……」估唔到佢好失落咁回應我：「但我唔係太想咁。」
我望一望佢，然後問：「你咁講係咩野意思？」
佢聽到我咁問之後，好認真咁望住我講：「阿牛，其實你係未想追阿琪？」
佢都咁認真問我，咁我都認真答佢啦：「係。」
「咁……你加油。」加咩撚野油啊，你問我係未想追阿琪就想同我講呢一句加油咩？
「阿富，你係未有Ｄ野想講呢？不如你直接Ｄ啦，話晒我地兩個男人，有咩野要收收埋埋先。」我同佢講。
阿富吸左啖氣，然後話：「我都唔知啊。」
頂，點解你可以咁憂柔寡斷架。
「聽阿琪講，你呢排好似同女朋友吵架ＷＯ，無事嘛？」我問佢，而佢聽到我問佢呢個問題，佢既答案竟然唔係圍繞住佢女朋友，而係阿琪，「你就好啦，阿琪咩都會同你講。」
點撚樣啊又，本來我都覺得阿富係一個好男人，如果同佢爭阿琪，輸比佢我都無問題，但係佢憂柔寡斷到咁，整到我而家呢一刻唔係咁想將阿琪交比呢個人。
就係我同佢咁九唔搭八既交談，阿琪鐘意黎到。
「唔好意思啊，又唔識路。」阿琪講完然後望一望我話：「你做咩唔應我機。」
「咦？有咩？」我睇一睇我部電話，係ＷＯ，原來頭先係我同阿富傾緊計果陣，阿琪就ＳＤ左幾個ＭＳＧ過黎，「係ＷＯ，可能頭先傾緊計無留意到。」
佢埋怨左我一下之後，就拎左兩支涼茶出黎，「一人一支，返到去慢慢飲。」
「好。」我答。
「嗯。」阿富點一點頭。
「咁我走拿。」阿琪話。
「好啦，拜拜……」「咁快就走！？」我句拜拜剛剛先講完，阿富就即刻接住問阿琪，仲拉左佢一拉，而阿琪好反感咁甩開左佢隻手，然後話：「我今日好忙好多野做啊。」
「但……我想你陪我。」阿富要求阿琪，無錯，睇得出呢個係一個要求。
「無可能啦，走拿我。」阿琪無再理阿富，轉左身就走左。
而剩得既我都同阿富話：「我都走先拿，拜拜。」
一臉唔開心既阿富只係點一點頭。
而家究竟係咩野情況啊，頭先我所見到既野，應該只會係一個交往緊既男女先會有既對答黎架ＷＯ，點解阿富會咁既，點解阿琪又要咁對阿富呢？佢先前同我講都覺得阿富係好好先生架？點解呢排好似情況咁差既……
就係呢個時候，阿琪ＳＤ左個ＭＳＧ比我。
阿琪：陪我行超級市場
我：下？
我：頭先妳唔係話好忙好多野做咩
阿琪：我唔想阿富跟住晒嘛
我：咁……會唔會唔係幾好
阿琪：唔會啦，佢有次跟到我樓下附近，我叫佢快Ｄ走我阿爸就到，佢死都話唔走，要見我阿爸
我：下？咁都得
阿琪：未係囉，都唔知佢想點，果次未整到我發火囉
阿琪：之後佢成日都係咁，所以都唔多想理佢
阿琪：咁你陪唔陪我去行超級市場啊
我：我可以話唔得咩（喊笑）
阿琪：你未試下囉（喊笑）
我：咁我又唔捨得（喊笑）
會合左阿琪之後，佢都同我講阿富先前對佢做既行為，我聽完之後，就話：「點解……我覺得阿富做既野係想追妳既？」
「你都覺？」阿琪話。
「係啊。」我答，然後阿琪拎起左兩個杯面對住我，我就話：「右邊果個好食Ｄ。」佢將右邊果個杯面方入車仔後，就繼續講：「我一開始都唔覺，我只係覺得呢個男既點架可以好到咁，經過我樓下就會問我有無食野，落雨問我有無帶遮，天氣凍左問我有無著多件……但係，會唔會好得太過緊要呢？」
「咁……又唔係既。」我嘗試用另一個角度諗，「如果對方係女朋友的話。」
「就係囉，如果我係佢女朋友就話姐。」我驚嚇既表情望住佢，而佢就同我講：「放心啦，我仲單身既，你唔駛咁驚。」
好彩姐……
「但係，我都唔係佢女朋友，對我咁好做咩，而佢對其他女ＭＥＭＢＥＲ又唔會咁架ＷＯ……」佢又講。
「佢想追妳。」我講左呢四個字之後，佢就望住我，點一點頭。
「唔係掛，佢已經有女朋友架ＷＯ。」我話。
「呢樣先係最煩。」阿琪既回答，令我問左之後呢一個問題：「咁如果阿富同佢女朋友分左手後追妳，而佢又咁好仔，妳會唔會同佢一齊？」呢一個問題，其實問得好酸。
佢望一望我，然後好認真咁講：「緊係唔會啦，你諗下，而家佢為左我而想同佢拍緊拖既女朋友分手，咁其實以後佢都可以為左另一個女仔而同我分手架ＷＯ，呢Ｄ咁既男仔，要不得架。」
聽到阿琪咁講後，唔知點解我成個人都放心晒。