[愛情無限loop] 就係咁，我做左女神一年既備胎: １８　女神的邀請

因為我既意外，呢次跑左小小時間就要搵地方休息，我同阿琪坐起一張長木椅度，飲緊頭先我地兩個去買既水。

而阿琪不時咁望一望我，笑一笑問：「仲有無咁痛啊？」

我搖一搖頭：「唔痛啊。」係先好講啊，不知幾痛，不過係女神面前點可以衰……不過其實係撞親果下，已經衰左次。

「你咁都撞到既，唔通……」阿琪扮出一個狡猾既眼神望住我，「係未掛住睇女仔。」

「無，邊有。」就算有，都只係望住妳……我好想咁講，但係無膽。



「真係唔痛，我睇下。」阿琪佢控左個頭埋黎，我第一次咁近望住佢架，佢既雙眼真係好吸引，就好似想將我既靈魂吸左去一樣。

然後，佢仲……佢仲用手撥我Ｄ頭髮啊！！！

真的不行了！！！突然咁大既衝擊，令到我另外白晒既半邊面都紅晒。

「你好似仲嚴重左ＷＯ，而家成塊面都紅晒既。」阿琪話。

「無……無啊，跑完步熱嘛。」我是但答佢。



「你跑成咁，仲諗住問你ＪＯＩＮ　唔ＪＯＩＮ我而家入果個跑步ＧＲＯＵＰ添。」佢話。

「跑步ＧＲＯＵＰ？」我問。

「係啊，個ＧＲＯＵＰ入面有好多人跑步架，咁就唔駛一個人跑咁悶，頭先我話有Ｄ人會帶我跑，都係呢個跑步ＧＲＯＵＰ入面Ｄ人。」阿琪話。

「哦……原來係咁。」我一臉恍然大悟答。

「咁……你ＪＯＩＮ　唔ＪＯＩＮ　啊？」阿琪問我，難得女神叫到ＷＯ，緊係狗衝……唔係，緊係答應佢啦，「好啊！我入啊！」



阿琪聽到後，微笑咁講：「咁我同團入面Ｄ　ＡＤＭＩＮ　講先。」

入左ＧＲＯＵＰ，未可以多左機會同阿琪一齊囉！！！