[愛情無限loop] 就係咁，我做左女神一年既備胎: １２１　寂莫

一切就好似老牛大人既說話一樣，只要佢地真係想一齊，就自自然然會走返埋一齊，點解咁講，因為以下就係我所見到既發生。

係開於ＣＯＷ同ＪＵＤＹ。

係果日求婚計劃失敗之後，有老牛大人既ＧＲＯＵＰ就變成靜寂。

能蟹佢無講過任何野，甚至同佢見面果陣，佢對呢件事都係隻字不提，而我同阿琪，每次見到ＪＵＤＹ都有ｄ尷尬。

尷尬既係，ＪＵＤＹ想同我地講野，但好似無以前咁開心見誠，睇得出佢有好多心事，但無人可以比佢呻。



而ＣＯＷ，佢好似再無出現過一樣，就算我ｓｄ　ｍｓｇ搵佢，佢都無覆我，更何況係ＪＵＤＹ。

不過，原來所有野都係會自自然然咁發生，就係我同阿琪好擔心佢地兩個既時候，我地都各自收到佢既既ｍｓｇ。

ＪＵＤＹ　ｓｄ　ｍｓｇ　搵阿琪。

ＣＯＷ　ｓｄ　ｍｓｇ　搵我。

湊巧地，佢地兩個既ｍｓｇ都係一樣。



ＪＵＤＹ、ＣＯＷ：佢點啊？

佢地所講既「佢」，當然係雙方啦，其實ＣＯＷ搵我問ＪＵＤＹ既野唔出奇，出奇既係ＪＵＤＹ搵阿琪問ＣＯＷ　ｄ野。

而當我地兩個人收到呢個ｍｓｇ　都即刻話左比雙方知。

阿琪：ＪＵＤＹ搵我問ＣＯＷ點啊
我：阿ＣＯＷ剛剛都搵我問ＪＵＤＹ點
阿琪：（喊笑）
我：｛喊笑）


阿琪：唔通，係愛情將佢地拉返埋一齊？
我：唔知啊
我：但好唔好話比佢地知啊？
阿琪：我覺得唔好住
阿琪：我地都未知佢地兩個而家有咩諗法
我：咁不如妳去搵ＪＵＤＹ
我：而我就去搵ＣＯＷ
阿琪：好
我：咁ＪＵＤＹ果邊就交比妳
阿琪：ＣＯＷ就靠你

緣份遊戲，如果真係要將佢地拉返埋一齊既話，我唔介意你利用我，只要佢地兩個係適合大家既話。

我約左ＣＯＷ去果陣計劃求婚既大排檔，我亦都同阿琪夾左唔會撞地方，去到大排檔，今次，無能蟹仔，無老牛大人，只係得我同ＣＯＷ，以及一眾食緊野好嘈既人。尸



ＣＯＷ比我早到，我搵到佢後就行左過去坐低，一坐低望到ＣＯＷ既樣，比起我腦海中以為既果個樣好唔同。

我以為佢會好掛住ＪＵＤＹ而個人好頹，但估唔到，佢係精神滿面。

「黎左拿？」ＣＯＷ見到我就問。

「你見到我真人企左係黎面前仲問呢ｄ野既。」我笑住咁話，而佢都係度傻笑咁，「睇黎你呢幾日好似過得幾好ｗｏ。」

ＣＯＷ聽到我咁講後就問：「點解你會咁覺得呢？」

而我就照直講我今次第一眼見到佢既感覺，「今次見你，個人精神左好多，而且臉上面有返笑容，呢種笑容好唔簡單，係自信既笑容。」

ＣＯＷ聽到後又笑一笑講：「都係既，離開左ＪＵＤＹ，我先可以好好咁做自己既野，呢幾人，心情好舒服，不過……」

「不過咩野？」我問。



而佢就話：「唔知人係未咁樣呢？係未離開ＪＵＤＹ果陣時，一直都好驚無左佢會點算，如果無左佢個世界就會好似玩完咁，就會無晒動力，但係當我將隻求婚戒子扔落維多利亞港後，我好似成個人都鬆晒，原來我都可以做ｄ咁既事，原來我都可以放低ＪＵＤＹ……不過呢個『原來』，只係維持左幾日。」

「所以，你掛住佢？」我問。

「我……」ＣＯＷ佢欲言又止，「我唔知，我唔知呢ｄ叫唔叫做掛住，我每日返到屋企，都會見到佢比我ｄ野，佢比我既公仔，佢比我既相架，我地既合照，我地一齊坐個既沙發，我地一齊做既好多野，我會不停咁諗返同佢既回憶，但係，我唔知呢ｄ係未叫做掛住。」

「咁樣你會唔會覺得好寂莫？」我問佢，而佢點一點頭，我就繼續講：「諗返以前既野而感到窩心，叫回顧，諗返以前既野但感到寂莫，叫掛住。」

ＣＯＷ聽到我咁講後，就話：「所以我係……」「你係掛住ＪＵＤＹ。」我幫佢講左佢想講既野。