[愛情無限loop] 就係咁，我做左女神一年既備胎: ２７９　士氣低落

「哈……」就係馬高既討厭笑聲之下，宣怖左我地第一場既遊戲輸左比佢，ＳＵＮＮＹ、七三廿一、阿珍同拾拾即刻衝左出去扶返ＪＵＤＹ同ＣＯＷ過黎，扶左佢地返黎後，見到佢地兩個依然微笑緊，不過我地點叫佢地，佢地都無醒。

可能，係因為佢地一直以後咁辛苦行到而家，太累，所以想休息下。

而馬高，佢就好得戚咁話：「飲左咁多我都有少少便意，去個廁所先，我就比你地係呢個時候休息下，等我返黎，我就話比你地知一陣既遊戲係ｄ咩。」

然後，佢就攬左兩條女行左去廁所，而兩條女其中一個係阿銀。

將一切見在眼內既金姐，愈睇愈嬲，佢咬牙切齒咁望住馬高既背影，好似想即刻衝上去打佢一鑊，不過果ｄ大隻佬好似見到金姐咁，即刻行左黎我地既前面，擋住左我地既視線。



「金姐……對唔住……」我同金姐講：「第一場就輸左，唔好意思。」

「傻啦，係佢地出左術，你都唔好自責，而且仲有兩場，我地贏返就得。」ＳＵＮＮＹ話，然後就捉緊金隻既手，「放心，今晚之後，我地一定可以將阿銀帶返自己既身邊，跟住以後既事，以後先算。」

金姐聽到ＳＵＮＮＹ既說話後，點一點頭。

「……唔知，一陣既遊戲係ｄ咩呢？」呢個時候，拾拾就好擔心咁話：「第一場既比賽佢已經出術，跟住既比賽……」拾拾無講晒佢想講既野，因為佢擦覺到，佢所講既野，已經影響緊我地既心情。

「就算佢點出術都好，我地都要贏。」呂晨話：「ＪＵＤＹ同ＣＯＷ已經駁晒老命，我地唔可以浪費左佢地既努力，就好似ＪＵＤＹ頭先咁講，我地輸咩都好，唔可以連自己既尊嚴都輸。」



「我……我都知……不過……」拾拾慾言又止，而七三廿一就行到佢旁邊，向佢搖一搖頭示意叫佢唔好再講落去。

我明白，我明白拾拾擔心ｄ咩野，一開始馬高開出左果個條件，如果我地一陣果場真係輸左既話，佢地幾個女仔都有危險。

本身好多野講既能利，到而家呢一刻都無講過咩野，佢目無表情咁，唔知佢係緊張定係驚到唔敢出聲？而我再望一望遠處既能蟹，佢都一樣，仲帶有一副想幫我地手但自己無能為力既表情。

睇黎我地呢邊既士氣真係好低落。

「不如我地問下阿塔知唔知一陣會玩ｄ咩？」阿珍話，然後佢就係個ＧＲＯＵＰ度問，而我本身都想開一開個ＧＲＯＵＰ睇，不過個頭仲痛緊，真係無咩力去拎部電話出黎。



而阿珍問完阿塔，阿塔就好快答返得地，仲影左幾張相，阿珍一見到果幾張相就話：「唔係掛，第二場唔通都係鬥飲？」

阿珍講完後，將佢部手機比我地睇，見到既，又係一車又一車既酒。

如果真係又鬥飲既話，我地真係無咩把握可以贏到。