[愛情無限loop] 就係咁，我做左女神一年既備胎: １１７　真相

我未見過ＪＵＤＹ喊成咁既樣，我無諗到原來ＣＯＷ唔同佢求婚，佢會喊到咁。

阿琪攬住ＪＵＤＹ都好一陣，佢不停咁向我打求救信號，但我都唔知有咩可以幫到佢，但係而家係條街喊成咁，而且頭先又玩完快閃，好多人都望住我地，所以我話：「不如我地搵個地方食野坐低傾好唔好？」

我無等佢地既回答，就扶起佢地兩個，而能蟹同老牛大人就因為幫我手叫其他人走，一早就唔知佢地去左邊，只好我同ＪＵＤＹ傾下。

我地去左一間茶餐廳，ＪＵＤＹ仲喊緊，但係無頭先咁失控，而阿琪就不停係旁邊安撫住佢，喊到咁上下，ＪＵＤＹ就問：「點解你地兩個會同ＣＯＷ一齊既？」

我直接答佢，因為我唔想呃叱呢一位朋友，「因為，呢一次求婚我有份幫手。」



ＪＵＤＹ聽到後只係點一點頭，好似接受呢一個答案一樣，而阿琪就話：「唔好咁啦，ＣＯＷ都係一時諗唔開先會走左去姐，佢好快會返黎搵返妳架拿，佢一見到妳為佢喊成咁，一定好心疼。」

「我唔係為左佢而喊到咁ＷＯ。」ＪＵＤＹ呢一句說話，令我同阿琪一齊，「下！？」

呢一下「下」，令ＪＵＤＹ好出奇咁望住我地問：「你地係咩野反應啊？好出奇咩？」

我同阿琪都無奈地住佢，而我問：「咁妳搞咩喊到咁？」

ＪＵＤＹ聽到我咁問後，佢又開始喊，就邊喊邊話：「我今日本來諗住去搵條仆街架！」



「仆街？」阿琪問，阿琪就連講粗口都咁好聽。

「係啊，果日你地食野都見到架。」ＪＵＤＹ話，然我諗返起果次食野撞破佢同果個男，「果個男人啊？」

「係啊，我諗住今晚上佢度，比個驚喜佢嚇下佢，點知我一上到去，就見到仍同另一個女人搞緊野啊！」ＪＵＤＹ好嬲咁話：「我一開度房門！就見到佢後入緊條女啊！我地三個對望！仆佢個街佢地竟然無話停！跟住個仆街仲好冷靜同我講：『上左黎啊？』，我一聽到呢句後！嬲到我即刻走啦！點知我走果陣佢仲叫我：『幫我關門，唔該。』，佢真係一個仆街黎架！」

我明白點解ＣＯＷ本身收到ＪＵＤＹ話唔黎，而無啦啦ＪＵＤＹ又黎，原來係咁。

但點解，仍所經歷既野，咁似曾相識既？啊～呂晨都好似試過咁架。



阿琪聽到ＪＵＤＹ既說話後，停止左安撫佢，然後問：「咁妳頭先喊，就係因為條仆街既事？」

「係啊。」ＪＵＤＹ好理所當然咁話。

「咁ＣＯＷ做既野妳一Ｄ感動都無咩？」阿琪又問。

而ＪＵＤＹ諗左一諗後答：「都有既，但係都係仲未想。」

「妳好彩係咁答，如果妳話無感覺，我一定打巴妳。」估唔到阿琪會講出呢ｄ說話，而ＪＵＤＹ聽到阿琪咁講都呆一呆。

而我都有少少火火地咁問ＪＵＤＹ：「點解妳要選擇一個傷害妳令到妳喊既人，都唔記選擇一個感動妳令妳流淚既人？」

ＪＵＤＹ望一望我同阿琪，然後話：「你地兩個搞咩啊？我而家已經好唔開心啦，你地仲……」「阿牛，我地走，唔好理佢。」阿琪無等ＪＵＤＹ講完佢想講既野，就拉我走左。

走出茶餐廳，我跟住阿琪身後問佢：「妳無事嘛？」



阿琪哽咽地話：「點解？點解佢唔明白我地既苦心？」

呢一晚本來係一個開心既晚上，但係，最後搞到咁……