[愛情無限loop] 就係咁，我做左女神一年既備胎: ２０７　各自回家

雖然ＪＵＤＹ口講話唔關拾拾事，但拾拾都算插足過ＪＵＤＹ既感情世界，所以呢一句「唔關妳事」，聽起上黎有少少隱憂。

而唔知係未拾拾都聽得出，所以佢就同我地講：「我想走先……」拾拾講左呢句後，就執晒自己既野走，而我，就拍一拍七三廿一話：「你仲唔快Ｄ陪拾拾走，有個男仔陪住佢走會安全Ｄ。」

但係七三廿一聽到我咁講後，就猶疑左好耐，直到我話：「就算以前發生過Ｄ咩都好，你係個男人黎，唔該做返Ｄ男人應該做既野啦。」

佢聽到我咁講後，先追上去。

就係咁走左兩個人。



而ＪＵＤＹ就坐低左，佢仲喊緊，不過比頭先清醒左好多，佢望住佢親自掃落地果Ｄ野，最緊要係佢睇到個蛋糕，然後同我地講：「對唔住，我自己破壞左自己個生日會。」

「傻啦，妳無……」「係我自己破壞，如果我唔係同Ｂ男一齊過，都唔會發生呢Ｄ事。」仲係好自責既ＪＵＤＹ同想上前安慰佢既阿珍講。

而接落黎ＪＵＤＹ講既野更驚為天人，「頭先個仆街出現後，我先記得原來我以前同拾拾係見過。」

「你地見過？」我地幾個好驚訝咁問。

而我就自己回帶，「你記唔記得ＣＯＷ係尖咀快閃同我求婚果晚？」ＪＵＤＹ既提示，令我記起果一日，ＪＵＤＹ喊到仆街唔係因為ＣＯＷ突然取消求婚，而係佢撞破左Ｂ男同另一個女仔搞野……等等！？唔通果個女仔係！？



我用驚訝既目光望住ＪＵＤＹ，而ＪＵＤＹ好似知道我諗到後，向我點一點頭，而其他人仲蒙在鼓裏。

如果好似我咁諗既話，咁姐係ＪＵＤＹ第一次見拾拾果晚，係Ｂ男同拾拾搞緊野果陣！？

唔撚係掛！？世事有無咁撚巧合啊！？

拾拾有講我知佢以前有做過援交，唔通果陣時拾拾都仲係做緊呢Ｄ野？但係頭先Ｂ男話佢黎搵女朋友，仲話拾拾係佢女朋友ＷＯ……點解呢件事可以搞到咁複雜架。

呢一個生日會，就係侍應走過黎叫我地收好晒Ｄ野下收尾，我叫左ＣＯＷ早Ｄ送ＪＵＤＹ返去先，剩低既野就由我地四個執。



執好晒後，我地都各自返屋企，係一齊等車既時候，能蟹問左句：「點解頭先果個男人會知道係度可以搵到拾拾？」

係，呢個問題我都好想知道，因為呢個男人已經唔止一次咁樣，就好次第一次係運動場果陣，第二次係我地整蛋糕前買野，而第三次就係今次ＪＵＤＹ既生日會。

「我只係怕，佢會再出現煩拾拾咋。」阿琪話，佢講得無左，Ｂ男呢種賤男，做得出一次，就會做第二次，何況佢已經做左三次。

「其實呢件事係點架？」阿珍問我，但係我就答佢：「有時有Ｄ野，唔知好過知。」

我唔想講，一黎係因為呢件事我只係一個局外人，唔應該話比其他人知同比意見，二黎係我真係唔想再多一個人為左呢件事而去煩。

不過我睇得出，過左今日，我地幾個之間既關係點都有Ｄ變化，如果唔盡快處理左Ｂ男既事，可能後果會更大。