[愛情無限loop] 就係咁，我做左女神一年既備胎: １３１　阿琪買泳衣

就係因為ＪＵＤＹ，整到我又比人拎黎講，班狗公不停話我勁，話我咁多女陪去游水，要跟我學野，我睇到都眼火爆。

而阿琪就更無奈，因為ｄ人見到佢去游水，即刻不停私底下ｍｓｇ佢。

都唔知佢地係咩諗法，如果想去未係個ｌｉｓｔ到加名囉，又唔係有咩問題既，但係過左半日，一個人名都無加上去。

到夜晚再開個ｌｉｓｔ，多左一兩個人，其中一個係菜老闆，佢話可以教我地游水ｗｏ，都好，今次一定要努力學先得。

就係我要訓覺之際，我收到阿琪既ｍｓｇ。



阿琪：聽日你有咩野做啊？
我：無啊
我：咩事？
阿琪：其實我無泳衣啊
阿琪：聽日去陪我買好唔好啊？

阿琪約我去買泳衣！
阿琪約我去買泳衣！
阿琪約我去買泳衣！



我真係無諗過佢會叫我同佢去買，實在太開心，太高興拿。

我：好啊
我：買唔買泳鏡
我：泳帽呢？
我：浮板要唔要啊？
我：我家好似有塊
阿琪：（喊笑）
阿琪：咁你帶我去買啦



可以同阿琪一齊去買呢Ｄ野，唔知解咀角會自然向上揚。

ＪＵＤＹ係約左後日游水，所以仲有一日比我同阿琪去買野，我地約左下午既時間去一間商場到買，而一開始我諗住帶佢去ｄ運動店買，但估唔到既係……

「妳係邊啊？」今日出門果陣交通上有ｄ意外，所以整到我遲到，而阿琪同我行街一向準時，所以佢一早就到左行緊。

「我睇緊ｄ泳衣拿，你快ｄ過黎陪我揀啦。」阿琪好開心咁話。

「好啊，咁妳係邊度揀緊？」我問。

「係ＳＩＸＴＹ—８啊，好粉紅色果間店，你快Ｄ黎啦。」阿琪講完後，我當堂呆左呆，如果大家唔知咩係ＳＩＸＴＹ—８既話，可以去ＧＯＯＧＬＥ搵下。

如果我無記錯，呢一間係一間賣女性內衣褲幾出名下既店，點解我會知，因為我以前個ＥＸ都會捉我入去陪佢揀ＢＲＡ，講到明係賣女性內衣，入面既客人大多數都係女……應該係無幾何有男人會入去，而家阿琪叫我去陪佢行呢間野，咁姐係……唔通……

我係未諗多左呢？雖然我而家滿心歡喜咁行緊去，點解呢，點解腳步輕快左咁多既，好快，我就去到ＳＩＸＴＹ—８門口。



係門口度，我見到阿琪係度揀緊泳衣，我就諗緊好唔好入去陪佢好，就當我諗緊既時候，阿琪見到我，出左黎拉住我，「做咩黎左都唔入黎幫我揀啊。」

而家係我面前，係好多種唔同款式既泳衣，「呢件好唔好睇啊？」阿琪指住一件泳衣問我，而我就望一望件泳衣，「呢件……」我將望住泳衣既目光慢慢望向阿琪身上，「點啊？」佢問我，不過！？點解係我眼前既阿琪！？好似已經著住左件泳衣咁既！！！

「你覺我點啊？」阿琪又問，而我就點一點話：「好睇。」

「咁呢件呢？」佢又指住一件好可愛既泳衣問我，大鑊，點解果件好可愛既泳衣又好似著左係阿琪既身上既？

「幾好……」實在太剌激拿。

「但我怕太暴露啊，都係呢一件密實Ｄ。」阿琪，你妳眼中係密實，但係我眼中就唔係咁講拿，妳著咩野都咁好睇既，仲要係泳衣ＷＯ。

真係呢，我不禁倒抽一口涼氣黎平伏自己咁興奮既情緒。



最後係咁既情況下，阿琪揀左件密實Ｄ既，因為佢話怕有好多ＭＥＭＢＥＲ出現，驚Ｄ狗公會望住晒佢，所以唔敢買少布果Ｄ，所以佢都揀左件布正常，幾可愛既泳衣著。

佢好開心咁行去收銀臺，而我當然係後面跟住佢啦，正當個售貨員講出左個銀碼之際，我唔知訪度殷既勇氣話：「我送比妳。」

我講完已經係銀包拎埋錢比左，而阿琪就呆左望住我，我見到佢咁，就問：「妳唔鐘意我送比妳？」

阿琪聽到後，搖一搖頭話：「唔係啊。」我見到，佢笑得好開心。

「咁妳鐘唔鐘意件泳衣？」我問。

「鐘意。」佢笑得仲開心，只要，阿琪鐘意就得拿。