[愛情無限loop] 就係咁，我做左女神一年既備胎: ６９　回家

「喀嚓。」呢一下聲……係咩野聲……

我望住前面果度門，一線曙光係門縫度射入黎……呢線曙光……唔通係神打救我……

我果位朋友無呃我，真係只要係向住某一方向好大力擰把鎖，個鎖就真係會擰壞，而且仲開左度門添。

我見到對門開左後，就緊係拿拿聲打開佢衝出去啦，唔好問我呂晨見到度門開左既表情係點，我只係掛住走，仲邊有時間理呂晨佢有咩表情。

但係，我就聽到呂晨話：「點解？點解你地個個都鐘意阿琪？點解我辛苦建立既野好似慢慢比佢搶走晒，而我又無能為力係佢手上搶走你……」



佢呢一句，好似喊住講。

但我而家就好似一隻成功係獵人手中逃走到既獵物一樣，唔理三七廿一，逃離呢度先算，但我又唔可以就咁樣見班ＧＲＯＵＰ　ＭＥＭＢＥＲ，所以唯有直接挑走，當然走之前我都拎返自己帶黎既袋，仲要係無人知道既情況下。

一走出呂晨屋企我就開行油狂奔，一直漫無目的咁跑，到我會兒果陣，已經係號到屋企樓下，我企係樓下抖順條氣先慢慢行入去，行入去果陣，個看更都用異樣目光望住我，我扮睇佢唔到好快就走人升降機。

係自己家門前，我深呼吸一啖，今日所發生既事，實在係太過撲朔迷離，但係就算幾咁撲朔迷離都好，係屋企前面既我望一望而家既成身濕晒既自己……一陣老牛大人又唔知會講Ｄ咩。

開門，我只係一隻腳踏入家門，老牛大人就已經行左出黎，「死仔你唔係話……嘩！你做咩撚野整到成個人濕晒！」



我好無奈咁對住老牛大人講：「……我頭先差少少比人姦左。」

老牛大人聽到後，拿拿聲關左個大門，然後由上而下，再由下而上打量左我全身好幾下後，問我：「咁有無雛菊變太陽花？」

「我話差Ｄ姐……況且對方係女黎，唔會走後門掛……」我無奈地答佢。

但唔知點解，老牛大人無啦啦一巴打落我既頭度，然後話：「傻仔，咁呢Ｄ就唔係叫姦啦。」

「下！？」我不解地望住佢，而佢就好似嬲嬲地咁行開左，然後邊行開邊話：「死仔有野食送上門都唔識食，做人駛唔駛咁老實。」



老牛大人，老實無罪架……

拎左件乾淨既衫，行左入沖涼房沖涼，我望住個花灑，就好似諗起頭先呂晨硬上我既情況，唔知點解，佢最後叫我除衫果陣，我見到佢既眼神帶有報復既感覺，而佢最後果一句好似係開阿琪事，唔通，佢係想向阿琪報復先咁做？

愈諗，我就愈唔明，最唔明既係呂晨果間房，點解一Ｄ都唔女仔？

我就係一個充滿疑問既情況下沖好個涼，而沖好涼出黎後，我睇一睇手機，原來已經有好多個未睇既ＭＳＧ。

ＳＤ　ＭＳＧ比我既人分別有金姐、菜老闆、ＪＵＤＹ同埋阿琪。

我先睇左金姐同菜老闆果Ｄ　ＭＳＧ，佢兩個都係問我有無事，記住食Ｄ藥早Ｄ訓，我諗我走左之後，呂晨話我唔舒服走左。

到ＪＵＤＹ，個衰妹第一句就話唔信呂晨講我唔舒服走左，一定有內情，呢個衰妹又真係好醒目，但我唔諗住即刻答佢，因為我仲要睇阿琪既ＭＳＧ。

而阿琪既ＭＳＧ係：



阿琪：你無野嘛
阿琪：我聽啊晨話你唔舒服
阿琪：返到去話我知啊
阿琪：返到去未啊
阿琪：唔應人既
阿琪：擔心
阿琪：我都返去拿
阿琪：你仲未返到啊

一連好幾個ＭＳＧ，我一邊睇到阿琪佢咁擔心我，心裡面就一邊暗喜，而呢一刻，阿琪又ＳＤ左個ＭＳＧ比我。

阿琪：返到？
我：返到拿
阿琪：你無野嘛


我：無事，我見有Ｄ唔舒服所以早走左姐
我：妳呢，返到未啊？
阿琪：返到拿
阿琪：頭先阿富死都要送我返黎
阿琪：我拒絕左好多次佢都唔聽
我：咁夜晚有個男仔送妳返去都係件好事啊
阿琪：都係，但最衰你早走，唔係就可以你送我嘛
我：對唔住
我：我下次唔會唔舒服架拿（喊笑）
阿琪：你係咩野唔舒服啊？我煲涼茶你飲好唔好
我：咁好有涼茶飲
阿琪：頭先阿富話要我煲佢飲（無言）
我：點解佢會咁講
阿琪：唉
阿琪：佢話佢同女朋友吵架，我未問我有咩幫到手，佢就話叫我煲涼茶哄佢開心


我：咁都得
阿琪：未係囉，但我又唔想剩係煲比佢飲，所以就煲埋比你飲啦（喊笑）

睇到呢到，我開始覺得阿富唔係普通有事，而係大鑊地大事。

我：都好啊
我：我訓拿
我：妳都早Ｄ訓啦
阿琪：好
阿琪：早抖

同阿琪傾完後，就轉去同ＪＵＤＹ講野。

我：說來話場
ＪＵＤＹ：洗耳恭聽


我：聽日得唔得閒，食飯當面傾
我：但唔好比阿琪知
ＪＵＤＹ：得啦，我識做既

我睇先ＪＵＤＹ最後個ＭＳＧ之後，就放低部電話，望住塊鏡，再諗一諗頭先呂晨既表情，到而家我是清楚咁記起，原來佢係我提佢男朋友果陣，就已經喊緊……