[愛情無限loop] 就係咁，我做左女神一年既備胎: ３２　二人，消失了

阿琪望住我微笑左一下，我見到呢一個微笑，帶住一種信任，但係，呢一種信任，對追阿琪既我又無好處呢？

而佢頭先所講過既「每個對我好既男仔到最後都會鐘意我」，唔知佢會唔會察覺到我已經成為左佢口中所講既人呢？

面對住佢，我覺得佢比任何一個同齡既人都成熟，身邊不停有人令佢煩惱呢件事，磨練佢成為咁既人，仲好似已經變成一種習慣。

但邊會有人想將煩惱變成習慣先得架，就算有，都係迫不得已，而阿琪既迫不得已，就係以後既故事。

同阿琪傾完後我ＳＥＮＤ左個ＭＳＧ 比阿塔，但我見到只係得返一個綠剔，係我被前度飛後既經驗所知，我應該比佢ＢＬＯＣＫ左。



所以，我選擇打比佢。

電話通左⋯⋯「鈴⋯⋯」⋯⋯無直接飛去留言信箱，姐係佢仲未BLOCK 我電話⋯⋯「鈴⋯⋯點樣啊？」

「你無野嘛？」

「而家你開心啦！全部人都話我為溝女先跑步！話我花心蘿蔔唔理阿珍！個底花晒啦！追唔到阿琪拿我！你最想見到既事啦！」

「我無咁諗過。」



「無！而家連阿珍都唔理我拿！最開心果個一定係你啦！快Ｄ笑鳩我點解咁不自量力同你
爭阿琪！快Ｄ笑鳩我唔要阿珍抵撚死啦！」

「你癲撚夠未啊仆街！！！」我火到一個點鬧爆佢，而佢都比我咁樣一喝後，疾左疾，而我就繼續，「你知唔知你所做既野影響左兩個人啊！」

「我知啊！係阿珍同你既女神阿琪嘛……」「唔撚係啊仆街！係阿珍同你啊！」佢聽到我咁講後，一粒聲都無。

「你先前一直既行為！都只係令到阿琪煩！但對佢無咩影響！但係對阿珍就唔同啊！你個仆街知唔知阿珍今次比你整到幾咁心淡啊！」佢鬧到呢度都無咩氣，開始慢慢講：「你所講既說話，佢信晒，就算全世界話你，佢最後都係選擇左相信你，但係佢估唔到既係，令到佢唔再相信你既人，係你自己本人。」

電話靜默，而我就繼續講落去，「今次你既行為，係影響左……唔係，應該係斷送左你地兩個人之間長期積聚既感情，幾年既信任，就比呢幾個星期既時間拖跨，太兒戲，你知唔知係旁邊一直見住你地既我，日日都擔心緊你地，想為你地做Ｄ野，但係又比你當成仇人，想話醒你，又比你以為我想阻住你追阿琪，你知唔知我其實有幾辛苦。」



「……咁……」阿塔終於開聲：「……咁我可以點，我又搵過阿珍，但佢已經唔想再理我，佢最後ＳＥＮＤ比我既ＭＳＧ，係叫我比佢自己一個人好好咁走開，叫我尊重佢最後既灑脫，唔好再踐踏佢既尊嚴。」

聽到阿塔咁講，我只可以既嘆所有事以成事實……「我都想靜一靜。」電話傳黎呢一句話。

「咁……」「放心啦，你唔好諗住我會消失先得。」我聽到呢句說話後，笑左笑，呢個阿塔，同阿珍講埋同一樣野都有既。

收左線後，我望住個ＧＲＯＵＰ，只係嘆一嘆氣，然後我開左阿琪既ＷＨＡＴＳＡＰＰ，ＳＥＮＤ　左個ＭＳＧ比佢。

我：佢地兩個各自應該無事，但係應該無朋友做
阿琪：我都幫唔到Ｄ咩
我：又係既……