[愛情無限loop] 就係咁，我做左女神一年既備胎: ２７２　傻啦，大家朋友

「能蟹佢係邊啊！？」能利衝向左我地呢邊，仲不停走不停問，不過而家呢一刻，我既腦根本無閒理佢所問既問題，我只係呆左望住ＣＯＷ佢地。

而ＣＯＷ就對我做左過唔好意思既眼神，跟住佢地就慢慢行左過黎。

「我問你地啊！能蟹佢呢！？」能利不停問，而當佢發現ＣＯＷ佢地後，就無左問呢個問題，問左以下呢個：「你地係邊撚過啊！？係未你地捉左我男朋友！？」

聽到能利咁，我即刻話：「唔係啊，佢地係能蟹ｄ朋友，黎……幫手。」我講完後，望一望ＪＵＤＹ，因為佢用左一個唔原諒我既眼神望住我。

「阿金……」ＳＵＮＮＹ見到阿金，都成個人驚左一驚。



「拾拾！我唔係突登唔講妳知架！係阿牛叫我唔好講妳知架！」七三廿一嚇到即刻企左起身，將個責任踢左落我到，呢條友真係……

而阿塔見過阿珍，反而有少少尷尬。

ＣＯＷ就係呢個時候同我講：「對唔住阿牛，我睇ｍｓｇ果陣比ＪＵＤＹ見到，所以佢就……」「你個死仔，有野唔搵我地幫手，係未唔當我地係朋友。」ＣＯＷ都未講完，ＪＵＤＹ就咁同我講。

「唔係，只係因為我怕今晚會有危險姐，所以無叫你地ｄ女仔……」「咁姐係你睇少女人啦。」今次係到呂晨，佢個指控仲大。

都唔明，我地而家係好心幫救朋友出黎，點解搞到好似比ｄ女捉奸咁呢……



能利望住我地，完全係狀況外，「喂，有無人可以話我知而家係咩野環境啊？」

我地一班人坐低左，講完，好耐都無咁大班人一齊坐埋食野同傾計，如果阿琪係度就好拿……不過當然唔可以比佢知道呢件事啦，因為我唔想佢有危險。

而我地接落黎既話題，全部都係關今晚既事，我地知道既野唔多，都只可以估計今晚可以做ｄ咩，大家都隨機應變。

仲有既係，金姐好鄭重同我地講左句：「好多謝你地，為左我既女搞到你地而家咁，好唔好意思。」

我地都只係笑一笑話：「傻啦，大家朋友，唔好計呢ｄ野。」



就黎散時，ＪＵＤＹ同我講佢其實有搵阿琪，但係阿琪無覆佢，我就講左佢知因為阿琪既電話比佢阿琪ｋｅｅｐ起左，所以呢段時間都只會有時先覆到ｍｓｇ。

散席後，我地都各自返家，而係呢一刻，我突然諗起一樣野，今晚唔知會發生咩野事，雖然大家都覺得唔會有咩野危險，但係，我呢一刻最想既，係返屋企同屋企人好好食一餐飯，唔知點解會有呢一種感覺。