[愛情無限loop] 就係咁，我做左女神一年既備胎: ２４４　赴約

（ＯＴ到而家剛剛先放工，唔好意思ｍｉｓｓ左兩日，希望大定原諒）

訓醒，訓左陣個人都好ｄ，望一望手機，見到就快到約左能蟹既時間，快ｄ換衫準備出門，而換衫既期間，見到阿琪ｓｄ左個ｍｓｇ比我話佢已經到左果度，而且ｓｄ左一張相比我，係佢既自拍，隻相入面佢戴左頂帽，頂帽戴得好低，我諗佢係因為怕比能蟹見到所以先咁做。

我見到張相笑左笑，笑佢傻得可愛，一個人點會因為戴左一頂帽而令到其他人唔發現佢ｗｏ。

不過可能果個人係能蟹啦，因為我到左間茶餐廳，第一眼就見到能蟹坐左係邊，然後就見到阿琪坐既地方正正係佢旁邊。

我當然打左個突啦，估唔到阿琪坐既位置咁近，我慢慢咁行過去能蟹度，但目光不其然咁望住阿琪。



「喂！阿牛，咁遲架，遲到仲掛住望女仔。」能蟹既說話，令到我嚇左一跳將目光移去佢度，「無啊，邊有望女仔啊。」

我好小心咁坐低，望住眼前既能蟹，唔係掛，阿琪戴左頂帽你就可以唔認得？呃你真係簡單。而因為能利未見過阿琪，所以佢都唔知坐左係我地旁邊既女仔係阿琪。

一坐低，住係能蟹旁邊，佢既女朋友能利就問：「佢就係你成日講果個ｏｎ９兄弟阿牛啊？」

我聽到能利咁講後，望一望能蟹，你條撚樣原來平時係背後係咁講後，但能蟹無尷尬不特止，就話：「未就係佢囉，妳睇下佢個樣就知佢係ｏｎ９仔啦。」

能蟹，我比面你條女，呢樣野之後先同你計。



然後能利好認真咁望一望我後話：「我認得你拿，你就係尋日阻住我跟佢既果個ｏｎ９仔。」

「其實……其實我都有阿爸阿媽生，佢地幫我改左個名叫阿牛，妳可以叫我阿牛，唔駛下下都叫我ｏｎ９仔。」我無奈地同佢講。

「唔理，總之尋日阻住我既人就係ｏｎ９。」估唔到能蟹個女朋友都幾霸道。

我無奈咁向能蟹佢笑左笑，而能蟹就同我打左個眼色叫我唔好放係心上面。

比能利講多左幾次ｏｎ９仔之後，佢就入正題，「快ｄ同我講尋日果個女人係邊個？」佢一副嬲既樣，但其實從頭先睇得出，佢已經無再嬲能蟹，不過我估唔到既係，原來能蟹一直都無頭能利講果個女人既野，所以接落黎既對話內容，都係同果晚能蟹同我講既說話差唔多，只不過係語氣上既分別，所以我就無謂要大家又睇多次。



能蟹講完之後，能利只係點一點頭，「你睇你以前係幾咁仆街先得架。」能利講野真係好直，能蟹聽到後只係點一點頭，完全無反駁既機會，我見到佢咁笑左出黎，而係旁邊坐係度偷聽既阿琪都偷偷地咁笑。

「你係想幫佢，叫佢唔好咁做同埋想話比佢知Ｂ男係賤男，所以先跟住佢？」能利將能蟹想做既野問左佢一次，而能蟹都好直接話係。

「但係如果佢一心一意想咁做，你都做唔到ｄ咩架，而且你係一個傷害過佢既人，佢點會比你幫啊？」能利直接講左個重點出黎。

而能蟹聽到後，好似突然恍然大悟，「但……但如果我想幫佢，我可以點做？」

能利聽到能蟹咁講後，只係嘆左一聲氣，「唉……估唔到男朋友以前ｄ女要自己搞掂，交比我同你朋友啦，我地會搞好佢。」

下！？咩話！？

「咁就交比你地兩個拿。」能蟹好誠懇地望住我話。

喂！等等先！我頭先咩都無講過ｗｏ！但佢地好似無諗過我既諗法已經直接確定左我要幫手一樣，我見到咁真係想落淚。



呢件事可以話暫時完左，但我本以為我可以埋單走人果陣，能蟹又問我：「阿牛，果日果四個女人搵你同你講既野，你諗成點？」

「邊日？邊四個女？」我問能蟹。

能蟹反一反眼話：「果日啊，阿琪同呂晨入左院之後隔左幾日，佢地未搵你出黎傾阿琪既野既。」

佢咁樣一講，我又記返起果日講既事情，但係呢一刻我有另一樣野比較在意，就係阿琪仲住係我地旁邊。