[愛情無限loop] 就係咁，我做左女神一年既備胎: ４０　以後就欺負我啦

我望住若有所思既阿琪，問佢：「咩事都可以話我知架⋯⋯如果妳當我係朋友既話。」其實我仲想係朋友前面加個「男」字，但係現階段應該無咁快可以做到。

佢望住個海，嘆左啖氣，「其實，我係未唔好對人咁好？」

「點解會有咁既諗法既？」我問。

「每當我覺得識都一位新朋友果陣，見佢同我好岩傾好夾，我就會對佢好好，但係當我想進一步為佢付出既時候，往往都會比我知道原來佢會背全我話我係一個好易呃既人。」佢笑左笑，我睇得出佢呢一下笑，唔只帶有恥笑，仲有失望，「我係一個好易心軟既人，有一個好易覺得尷尬既人，我不停對身邊既人好，係因為我想佢地知道有咩事情發生都好，我都會第一時間係佢地身邊⋯⋯但我呢，如果我有事的話，又會有咩野人係我身邊出現。」

阿琪講講下，就喊左出黎，「我以前既男朋友，口頭上就話要對我好好，但行動上呢？大難臨頭各自飛，甚至到分手後，仲不停傷害我。我爸爸，由細到大一飲醉就會搵我出氣，每次我同媽媽都驚到走入房避，係媽媽既懷抱入面，我只係不停諗有咩野人可以救到我地。」



晶螢既眼淚一滴、兩滴咁落下，佢擦一擦眼淚後繼續，「到我而家大個左，佢有時飲醉左都會捉我起身，叫我跪成晚，就係咁不明不白比佢罰，我成日都問自己，到底做錯D咩點解我要受呢D苦⋯⋯不過，就算佢點對我差，佢始終都係我爸爸⋯⋯」

聽到呢到，我摸一摸佢個頭，然後話：「辛苦妳拿，以後有咩事，可以搵我。」

佢望一望我，然後挨左個頭係我膀頭，「⋯⋯所以，我係未唔應該對人咁好？」

我深呼吸左一口氣，「呢D係妳天生既性格，改唔到。」

「所以注定成世比人欺負。」佢喊中帶笑咁話。



「如果⋯⋯」我唔知點解好認真咁講左以下呢句話：「⋯⋯妳比人欺負既話，我會保護妳，甚至妳想搵人欺負返轉頭的話，就搵我啦。」

佢聽到後笑住講：「痴線。」

看似好傻既說話，但我從來都未試過咁認真。