[愛情無限loop] 就係咁，我做左女神一年既備胎: ３１０　變男神！？

好耐都無出席過跑ＧＲＯＵＰ既活動，見今晚有閒，而且想跑下步出身汗，最重要既，係想比自己既思路休息下，唔想再諗阿琪既事。

我係跑ＧＲＯＵＰ個名ＬＩＳＴ加左自己個名，好多人都留ＭＳＧ話我好耐無出黎跑，好耐無見我，但係果Ｄ留ＭＳＧ既人，都係一Ｄ　ＨＩ　ＢＹＥ　ＦＲＩＥＮＤ。

無左阿琪、無左能蟹、無左ＪＵＤＹ、無左七三廿一同拾拾、無左金姐同ＳＵＮＮＹ，今晚既跑步，得我一個人。

有一種，好似比全世界拋棄既感覺。

定係，我諗得太多。



直到出去跑步前果一刻，我既電話響都無響過，就好似，全個世界突然靜晒一樣。

好唔慣，但係點解唔慣？因為無左佢地既ＭＳＧ……

就同我頭先所講既一樣，無左佢地，今日跑步既活動，好乏悶，「牛仔，好耐無見你出黎跑ｗｏ。」好彩仲有一個識得既人，我望住菜老闆苦笑左一下，「呢排多野煩嘛。」

菜老闆聽到我呢一句後，笑左一笑話：「通常呢，人類係自己拎ｄ煩惱黎煩架姐，好少何會煩惱自己搵上門。」

「係咩……」我答佢，然後望一望四圍既人，好多我都唔識，就問佢：「我無出席咁耐，估唔到多左咁多我唔識既人。」



「係啊，最近有好多人都入左黎呢個ＧＲＯＵＰ，唔知為咩呢？」菜老闆對住我笑左一個不懷好意。

「你呢個笑容咁架。」我話。

「一陣你就知架拿。」菜老闆仍然係個一個不懷好意既笑容。

然後，就開始跑步。

無左佢地，今日跑步特別靜，平時佢地係度，我地幾個都會一路跑一路傾計，能蟹就會講一ｄ好ＯＮ９既笑話，而我地就會話佢ＯＮ９邊度好笑，ＪＵＤＹ仲會適時講粗口話好撚累以後唔跑之類既說話。



但係今日，好靜……好靜……

其實，都唔算靜既，因為總係聽到我身後，果ｄ我唔識既人係度竊竊私語，唔知佢地講緊ｄ咩，我亦都無興趣知道佢地講緊ｄ咩，因為我今日黎既目的，就只有跑步，出一身汗，好讓我既混亂思緒清洗一下。

跑完步，我地係一個運動場休息，大家都係度做緊拉筋既動作，而我旁邊既菜老闆就問：「跑完步，有無開心返ｄ。」

老一輩果然係老一輩，「開心返ｄ拿。」我答佢，而佢就笑笑口話：「咁未好囉，人生總會有開心同唔開心既時候既，仲有排你捱架。」

我聽到佢咁講，都笑左笑回答：「係啊，我諗應該仲有排捱。」

就係做完拉筋後，有幾個我唔識既女仔走過黎問我：「你係未叫阿牛啊？」

突然有幾個女仔行過黎問我呢個問題，真係一時唔知咩野反應，「……係……係啊。」

「佢真係阿牛啊！」點解佢地無啦啦咁興奮既……菜老闆就係旁邊偷笑，慢慢走開左。



「聽人講你有一晚為左朋友係酒吧同一個人鬥酒，好型啊！」

「仲有起勢踢人，好有男子氣慨啊！」

「而家好少有男人咁有義氣同咁ＭＡＮ架！」

等等，仲咩我眼前呢ｄ女仔，好似對住我變晒做心心眼咁架。

「……ｅｒ……妳地講緊既野係邊度聽返黎？」我問佢地。

「我地聽ＡＬＡＮ同ＴＯＮＹ講架，你真係男人中既男人啊！」原來係果兩條友……估唔到佢地唔至狗公，仲咁八掛同口疏。

但係，果日佢地兩個在場架咩！？不過呢個唔係重點，而家既重點係，我無啦啦比一大班女仔圍住，點算好……