[愛情無限loop] 就係咁，我做左女神一年既備胎: １４６　達成協議

「牛兄，點解你身邊既朋友咁雖要幫望架，上次ＣＯＷ係咁，而家就到阿琪。」我聽到能蟹既說話後，只係笑左一笑回應，心諗，你條友仔上次都唔係幫得好多忙，今次唔好揹亂檔就得。

而坐係我旁邊既阿琪，全程只係面帶笑容，但睇得出，佢對能蟹呢個人有少少不安，佢襯能蟹傾緊電造話，就係我耳邊問我：「佢係未人係得架？」

我都唔係咁樂觀咁答佢：「有咩事我補鑊囉。」

「你話架。」阿琪話。

「係啊。」我答。



「你地傾緊咩野傾得咁開心？」能蟹佢講完電話問我地。

「無，我地傾緊要點樣做先可以令到阿富死心姐。」我同阿琪異口同聲答。

而能蟹聽到我地咁講後，就擺出一個好專家既表情，然後話：「要一個人死心，就要佢覺得對住妳好累。」

阿琪聽到後嗤笑左一下，「你要我同佢鬥邊個快累先啊，我已經比佢煩到好累，如果真係咁既話，我認輸好過。」

能蟹聽到阿琪既說話後，不停咁搖頭，然後答：「妳覺得累，係因為妳接發球，佢下下開個ＡＣＥ球過黎，妳都去接佢，咁一定累啦。」



「咁唔通唔接啊。」阿琪話。

「就係要妳唔接，妳要話比佢知道，而加妳唔係佢比賽既對手。」能蟹講完後，我同阿琪一齊問：「咁係Ｄ咩？」

「妳要記住，妳係球證，妳唔駛接發球架，佢無論開咩野球，妳只要宣判出界咁未得囉。」能蟹說得一副理所當然。

「姐係點？」阿琪問。

「當佢無到，唔好應佢，又話者更直接串９佢。」能蟹今次講得又好有道現，但呢條友仔次次講就講得好聽，做又係另一回事。



「但係，我做到咁絕既話，未搞到連朋友都無得做。」阿琪講完後，換到能蟹嗤笑左一下，「妳未撚天真啦，情愛既野，岩就一齊唔岩就拜拜，仲做咩野朋友啊，收兵就糾兵啦死港女。」

我聽到能蟹呢句後眼都突出黎，估唔到佢會咁講，而我望一望阿琪，佢己經發緊嬲話：「第一，我唔係死港女，第二，我係唔會收兵，第三，我係真心想佢做朋友，但無奈係想做我條仔。」

「咁無得怨架呢Ｄ，天意係咁就咁，個阿富都講到明，如果做唔到情人，就會變成敵人，妳自己都知架。」能蟹講完後，雖然名琪好唔忿氣，但係佢都認同能蟹既講法。

現埸開始有少少尷尬，我唯有開聲拉Ｄ野講。

「我地都係想為件事姐，不如傾下回樣做好唔好？」我知我呢句好廢，但我真心諗唔到有咩野講。

「我地真係要扮一拍拖？」能蟹問，而阿琪開聲答果陣，佢阻止左阿琪然後話：「我係問你，阿牛。」

「唔係同我啊，你同阿琪啊。」我急住澄清話，然後能蟹反左下白眼講：「我知啊仆街，我係想問你，捨得我同阿琪扮拍拖咩？」

佢突然咁樣一問，我只係吱吾左一下答佢：「……可以啊。」



能蟹露出左一副佩服既目光，「我欣賞你，阿琪，妳執到啦，我個好兄弟對妳咁好。」

而阿琪就好唔忿氣咁話：「呢點我唔駛你講都知啦。」

「咁姐係大家都答應合作啦？」能蟹問我地。

「係。」阿琪答，然後望一望我，我同阿琪四目相對後，點一點頭，「……好。」

「好，咁事先聲明，我地兩個只係扮，唔會黎真，而且亦唔會對相方產生愛慕。」能蟹講出協議條件。

「當然啦。」阿琪用好肯定既語氣問，而我亦都好用力咁點頭。

「好！就等我諗下點樣全力打擊阿富既信心啦！」能蟹仔既吶喊之下，開始左扮情人既計劃。