[愛情無限loop] 就係咁，我做左女神一年既備胎: ２７０　佢叫……馬高（補返更新）

經過同藍臣見過後，我又從頭諗返要點樣幫金姐同阿銀，先前仲諗住Ｂ男仲未見過ＳＵＮＮＹ，所以先叫佢行動，但而家佢敗露出，都唔知可以點做。

而當我苦索私量既時候，我突然收到能蟹既電話，我見到來電係佢，有一種奇怪，因為通常佢找我，都係ｓｄ　ｍｓｇ比我。

當我接左電話果陣，「喂，搞咩要打比我，唔ｓｄ　ｍｓｇ？」

呢個問題，得黎既答案係，「原來你地興ｓｄ　ｍｓｇ架？」我聽到講呢句說話既果把聲，呆左一呆，把聲好熟，但係，又聽唔出係邊個。

「你係邊個？」我直接問，而當呢個人講左比我知佢係邊個後，我再次呆左，「記唔記得ＪＵＳＹ？記唔記得拾拾？記唔記得阿銀？」佢所講既呢三個女仔，得一個共通點，「點解你地呢班人要成人搵我麻煩？」



「你係ｂ男！？」我話，而ｂ男笑左笑話：「原來你地係咁樣稱呼我。」

講真，直到而家，我地都只係用ｂ男稱呼呢一位大叔，「你點解會拎左我朋友既電話？」

Ｂ男聽到後，大笑左一陣後話：「我唔係拎，而係佢比我，你呢一位朋友都幾勇下，自己單拖黎搵我，點知比我ｄ朋友發現左，而家未捉住左佢囉。」

「你唔好亂黎啊！」我發嬲咁話。

「放心，我又唔係黑社會，又唔係壞撈偏，一定唔會亂黎，只不過我諗我同你地呢班人，點都要有個了斷掛，唔係我以後出黎玩都玩得唔開心。」ｂ男話。



「咁你想點？」我問。

「今晚１２點，尋日果個地方，我會係果度，希望你可以黎同我做呢個了斷，當然啦，你可以帶埋你ｄ朋友黎，我唔介意。」ｂ男講完後，我地靜左幾秒。

「好。」我話，然後ｂ男好似好滿意咁話：「咁就好，仲有，我有名既，我叫馬高。」然後，佢就收左線。

佢一收左線後，我即刻ｍｓｇ　ｓｕｎｎｙ將頭先件事話左佢知，佢聽到後即刻約我出黎，然後，我就係我腦海入面不停尋找可以幫手既人，所有女性既代表我都略過，然後，我得出以下既清單。

ＣＯＷ、七三廿一、ＳＵＮＮＹ，仲有一個人，就係最近撞返既阿塔。



我將ｍｓｇ　ｓｄ左比佢地後，佢地都即刻話出黎，將好左時間同地點，想預先傾下今晚件事可以點做。