[愛情無限loop] 就係咁，我做左女神一年既備胎: １５３　能蟹的決心

同能蟹講左唔駛左扮情侶同原因後，佢就話阿富呢個人都幾細心，睇野都幾通透，其實講上黎都算係一個好男人，點解阿琪唔揀佢呢？

佢咁問我，我都唔會知架，只可以用返阿琪以前講過我知既答案話佢知，話如果阿富可以為左佢同佢女朋友吵架分手，以後都有機會為左另一個女人而對佢既做。

我一講呢句後，能蟹就話：「阿琪係一個好識諗既女人，但係呢一種識諗，又少少攻於心計。」

「下？攻於心計？」我不解地問。

「你唔覺咩？其實係ＧＲＯＵＰ入面有好多男人都對阿琪有興趣，只係分放擔追同暗地裡欣賞，甚至有幾次我察覺到，一Ｄ已婚既男ＭＥＭＢＥＲ，都好留意阿琪。」聽到能蟹咁講後，我就話：「係咩！？我唔覺有呢Ｄ人既？」



「只可以話你過於單純囉，硬頸牛，而且你鐘意阿琪明眼人一睇就知啦，係你心目中，佢係一個女神，而且你係一個唔想女神成為衰人既果種人，所以呢Ｄ事你點會看在眼裡ＷＯ。」能蟹講完後就拍一拍我個膀頭話：「呢個阿琪，可以話係女神，但都可以話係一個魔女，一個誘惑眾人既魔女。」

我望一望能蟹，然後話：「邊有你講得咁恐怖啊……」

「唔講遠果Ｄ，講近既，就好似阿富咁，佢某程度上都可以算係拆散左阿富同佢女朋友既人，呢個我諗你都好清楚。」能蟹講既野係有Ｄ道理，不過……「不過阿琪都唔想架ＷＯ，佢都無做任何野，係阿富佢……」「就係因為佢無做任何野，如果佢一開始就決絕的話，就唔會似而家咁。」

能蟹講完呢句後，我只可以話：「你對佢唔熟先會咁講姐……」「你同佢好熟咩？」

我想話係，但唔知點解講都口邊既時候，卻講唔出口。



「就當我唔同佢熟，咁我而家開始就慢慢同你一齊同佢熟，慢慢將佢最入面既野表露於我地面前。」能蟹講完後，搭住左我膀頭，「我睇錯既話，你繼續追阿琪我唔過問，但係你錯的話，就唔該你諗清楚係未仲要繼續落去。」

下？點解無啦啦又有人同我打賭……