[愛情無限loop] 就係咁，我做左女神一年既備胎: ３７　共進晚餐

同阿琪食飯，第一次同阿琪食飯，第一次同阿琪兩個人食飯，我係未有好運行拿呢排，點解咁好彩既事會發生係我身上既。

我望住面前點緊菜既阿琪，笑到把口都收唔埋。

「……你仲咩望住我傻笑啊。」阿琪望住我笑住咁話。

「無啊……」果份喜悅真係好難收我埋架。

「我叫左呢Ｄ……會唔會好多啊？」阿琪尷尷尬尬叫係個餐牌上面，指左佢想食既野比我睇，其實我一直都知阿琪大食，所以見到佢叫呢Ｄ都唔奇。



「仲有無其他？」我問。

阿琪好滿足咁搖一搖頭。

係Ｄ菜未到既期間，緊係要搵Ｄ野講下架啦，我就問阿琪：「妳成日去飲野架？」

「都唔係成日架，有時唔開心既時候，就想去飲野。」阿琪講講下，就一臉若有所失咁。

「唔開心？」我問。



佢點一點頭，「有時會去酒吧，有時會就咁買幾支酒坐係碼頭吹下風，好想，將所有唔開心既時都吹就晒。」

望住咁既阿琪，真係好想保護佢，「咁下次妳想去飲野既話，可以叫我陪妳去。」究竟那來既勇氣使我講呢一番說話。

「好啊。」阿琪既一個微笑既回答，令到我更加想保護佢。

就係Ｄ菜黎到之際，兩位不速之客，又黎拿……

「咁岩既～」一聽到呢把聲，就知到呂晨又大駕光臨。



「ＷＥＬＬ，唔知我地可唔可以一齊坐呢？」艾倫先生，你呢個問題其實我想答唔好，但你個屎忽已經坐左落黎，唔通我叫你起身死去另一張枱咩，雖然我想，但我見阿琪同我打左個眼色，多一事不如少一事，咁就算啦。

「ＷＥＬＬ，你地叫左Ｄ咩食啊？」佢自己拎起左張單，然後就話：「阿牛先生，你咁樣係唁得架，會餓親兩位ＬＡＤＹ，等我加多幾樣先。」

係狗公入面你都算係最識食果位，就由你話事啦仆街。本身開開心心既一餐飯，我諗而家要背脊骨落……