[愛情無限loop] 就係咁，我做左女神一年既備胎: ２６　令人煩厭的行為

阿塔既行為係呢一段時間令我煩厭既事，因為……佢係所有人面前就話自己唔係追阿琪，但係ＧＲＯＵＰ　入面Ｄ人就已經全部覺得佢係想追阿琪，但除左一個人唔信佢係咁，果個人就係阿珍。

而只要有阿琪出現既地方，都會有阿塔既存在，短訊既內用啦、跑步既活動啦、甚至有時ＧＲＯＵＰ　入面Ｄ聯誼，當然，阿珍都會出席，但係佢地兩個既互動就開始變少。

呢段時間我同阿琪都日日ＭＳＧ，但好多時阿琪既內容都係講阿塔佢好煩，有似佢仲同我講。

阿琪：你朋友其實同阿珍點架？
我：佢地兩個……一言難盡……
阿琪：你知唔知有次阿塔話，叫我唔好咁多心，唔好愛上佢
阿琪：那來的自信


我：唔係掛
阿琪：係啊，有次我約左朋友去旺角行街，然後佢ＭＳＧ我問我係未係旺角
阿琪：然後佢話佢都係旺角，話我仲咩要跟住佢
我：……
我：駛唔駛我同佢講一講叫佢唔好煩你
阿琪：唔駛啦，我唔想煩到你啊

其實阿琪呢排事無大少都會同我講，甚至會每日報到佢去左邊，做左Ｄ咩。佢呢個行為其實令我好開心，因為當一個自己鐘意既女仔咁樣做，係一個好大既動力。

而我當然都有同佢報到自己做Ｄ咩啦，不過，如果呢個時間無左阿塔既行為既話，可能會開心好多……



佢始終係我朋友，阿珍都係，我見佢地兩個本身好好感情，但而家就開始變差，我真係好想做Ｄ野令佢地變返好。

但係我又諗唔到……

直到有一日，阿珍佢ＭＳＧ我……