[愛情無限loop] 就係咁，我做左女神一年既備胎: ２００　ＪＵＤＹ的生日倒數中

都話世事唔會咁巧合，我一直都怕Ｂ男會係ＪＵＤＹ同拾拾同場既情況出現，但好似係多餘，Ｂ男無出現過，而拾拾佢好快就打入左我地既圈子。

三個女人一個墟，而而家唔止有三個，有四個人，雖然阿珍對阿琪有Ｄ微言，但係以同ＪＵＤＹ慶祝生日既前題係，佢地四個女仔真係要幾嘈有幾嘈。

「ＪＵＤＹ妳生日想食Ｄ咩野蛋糕啊？」阿琪好興奮咁問，而ＪＵＤＹ諗左諗就話：「咩野蛋糕唔緊要，最緊要既係有……」「士多啤梨！」佢地四個好有默契乎一齊叫左出黎，然後就放聲大笑。

其他唔知情既ＧＲＯＵＰ　ＭＥＭＢＥＲ好想打入佢地既圈子，但係無從入手，而佢地亦都樂於四個人係度傾計，就好似四個人已經係一個世界一樣。

而坐係佢地旁邊既四個男性動物，包括我，就好靜咁睇住佢地所做既一切。



「係拿，唔記得多謝你地添。」ＣＯＷ突然開口講野，對像應該係我同能蟹，「如果唔係你地幫手，我都唔可以好似今日咁坐係度同見到ＪＵＤＹ咁開心。」

能蟹笑左笑話：「唔駛多謝，要多謝就多謝你自己啦，你識搵到我呢位高手幫手嘛。」佢永遠都係咁有自信。

「能蟹講得岩架，你要多謝自己。」我同ＣＯＷ講：「係因為你既行動先可以令到ＪＵＤＹ而家咁，唔關我地事架。」

ＣＯＷ聽到後露出左一個意味心長既笑容。

我拎起手中既汽水，向ＣＯＷ乾杯，而同完ＣＯＷ乾杯後，我就碰一碰能蟹既杯，佢見到我呢個行為，望一望我，而我就話：「以前好似有個人講過，男人唔記仇。」呢句說話係能蟹以前講過。



能蟹聽到後又笑左笑話：「係你就用酒乾啦，用埋呢Ｄ水溝糖再加色素既野飲。」

我地四個男既，最靜莫過卡七三廿一，佢成晚都坐左係度望住拾拾，好似有Ｄ野想講但又講唔出咁。

「你做咩望住拾拾啊？」唔知情既能蟹問七三廿一，「你係未想追佢啊。」

被咁問既七三廿一當堂嚇左一跳，然後就話：「我邊有望住拾拾啊，我望住……我望住……」

「拿，你小心Ｄ講野啊，係拾拾左手邊既係阿琪，右手邊既係ＪＵＤＹ，一個已經有人睇中，一個就大大個男朋友坐左係度，你唔好同我講你望緊拾拾旁邊果個啊。」能蟹，你駛唔駛迫得佢咁盡，但係見到七三廿一個慌張樣，又真係好好笑。



「我……我望後面牆上面寫係果Ｄ菜名姐，都無望拾拾。」七三廿一隨便搵左個借口話。

「原來係咁。」我、能蟹同ＣＯＷ三個齊聲話。

呢次既飯局，我地決定去酒吧興祝，呢個係ＪＵＤＹ既決定，生日係大晒既，無計啦，而女子組就會準備野食，我地男子組既，就係搵地方。

而距離ＪＵＤＹ既生日，就仲有兩個星期。