[愛情無限loop] 就係咁，我做左女神一年既備胎: ２２４　行動開始

而家呢一刻，Ｂ男係同阿珍正面對住，呢個唔有型，好似大叔既Ｂ男，望住阿珍上下打量左一下，而阿珍呢一刻只係原地咁企左係度，可能佢都唔知可以做Ｄ咩。

好彩，Ｂ男只係望多左望阿珍就無理佢，行左去另一邊，而呢個時候既阿珍鬆一口氣，行返去能蟹果邊。

而我就係ｗｔｓ　ｇｒｏｕｐ問。

我：阿珍妳無事嘛？
阿珍：無事
阿珍：佢無對我點
七三廿一：唔知果個人有無認得出妳呢？


阿珍：我都唔知
能蟹：我覺得佢認唔出，如果認得出既佢應該有所行動

真係？佢真係會有所行動？如果佢係扮到認到阿珍都扮認唔出既話……唔會既，唔好自己嚇自己。

我同阿琪屏息而待咁望住Ｂ男，佢行左去其中一張臺到，叫左杯酒後就開始係場掃視，我同阿琪當然好小心地唔比佢見到啦，不竟阿琪都出現過係佢面前幾次，而我仲打過佢添，所以我絕對唔可以比佢見到。

賤男果然係賤男，Ｂ男唔駛幾分鐘就發然到呂晨，而且好似已經鎖定左目標咁望住佢，我呢個時候再睇清楚呢個Ｂ男，佢真係一個大叔，但係佢成身都係名牌，不過就……唔知係佢襯唔係Ｄ名牌，定係佢唔識襯衫，平時好少打扮既我都覺得佢既衣著不倫不類。

都唔明點解ＪＵＤＹ同拾拾會鐘意呢個男人……



就係我諗緊呢個問題果陣，Ｂ男終於有所行動，佢向住呂晨行過去，一行到呂晨身邊，佢就好自然咁坐低左，將自己既杯放係呂晨杯酒旁邊，然後話：「妳覺得我杯酒好飲Ｄ定係妳果杯好飲Ｄ？」

呂晨聽到Ｂ男咁講後，就話：「唔知呢？」呂晨一副唔係幾想理佢既表情。

呂晨！？阿琪叫妳黎係為左引Ｂ男，而唔係係佢面前扮上菜架，妳咁樣點可以……

「唔知？咁就要叫比妳試下拿。」Ｂ男好似無將呂晨既不理不睬嚇走，反而更加想勾搭到呂晨，而阿琪見到咁，就微笑左一下話：「呂晨果然係女神，以前收慣兵係唔同Ｄ。」

阿琪咁講後我就不解問佢：「點解啊？」



而阿琪笑左笑話：「女人太安份守己，係唔會有男人在意架。」其實呢句道話都可以用係男人身上，姐係壞的人永遠都比好的人吸引。

過左一陣，兩杯酒到，Ｂ男拎住果一杯係頭先呂晨飲既果款酒，而呂晨就拎住頭先Ｂ男飲果款酒，然後佢地碰左一下杯，二人飲左一啖。

「未見過妳黎呢個場既？」Ｂ男飲完一啖酒後問。

「係啊，今日第一次黎，不過呢個場好靜，好悶。」呂晨一邊講，一邊撥住佢既秀髮，而Ｂ男就露出一個自信既笑容話：「都係架，呢個場係比較靜，但係就可以好好咁傾下計。」講完後，佢用手指輕輕咁係呂晨既手掃左幾下。

「傾計？你落黎係為左同人傾計架？」呂晨問，而Ｂ男就話：「飲下野，傾下計……」Ｂ男慢慢將個頭哄向呂晨，「唔好咩？妳仲想有Ｄ咩？」

呂晨微笑左一下後，將個頭別去另一邊話：「剌瀲。」

接落黎，我見呂晨同Ｂ男有講有笑，而Ｂ男仲開始大膽到摟住左呂晨條腰！！！



點算！？呢一切發生係我面前，我既心無明有一種怒火，而阿琪見到我咁就話：「阿牛，你冷靜Ｄ先。」

「我係膽心呂晨有危險。」我將我既怒火原因講左出黎，因為我怕阿琪誤會，而阿琪聽到我咁講後就話：「我都知，我見到呢個Ｂ男咁做，都好嬲，但係呂晨有分串，佢咁做一定有佢既原因，如果我地而家走出去破壞既話，呂晨就前功盡廢。」

阿琪又講得岩，而我就望一望另一臺既三個人，原來能蟹同七三廿一都已經睇唔過眼，只不過好彩有阿珍捉住佢地，佢地先無衝到出去。